Court thleng lovin Zu man hralh theilo

Serchhip-a Chief Judicial Magistrate, Sr. Civil Judge ni bawk, Pi Lalrochami  Ralte chuan Force mi ten MLTP Act hnuaia Zu an man te chu Court thleng lovin an hralhchhuak theilo tih a sawi.
Nimin Aug. 27, 2014-a MJA (SD) Member te tana Dan zirhona neih ah he thu hi sawiin Pi Lalrochami chuan tunhnaia Thenzawl kawnga hnamdang (Vai) hnen a\anga Sapzu (A senchi) man, Cable TV lama News a lang chu Court ah thlenpui a nilo tih sawiin, hemi chungchang news a lang chu chhui zuiin News Clip hi an neih tawh thu leh a \ul anga hma lak a nih thu a sawi a, heng Sapzu te hi amaha rawn lut thei a nih loh thu leh a kengtu/neitu an awm ngei tur nia a lan thu a sawi bawk. Hemi chungchang sawizuina ah hian tunhnaia Serchhip-a Beer (Diablo) \hahnem tak man leh a neitu nia puh te pawh puanzar tawh Court la thlenglo a awm nia sawi chungchanga zawhna chhangin heng Beer man te hi Court ah thlen a nilo tih a sawi a. Force mi ten Zu an man te chu Court kengin Court in a chinfel hnuah dan anga tihral tur a nih thu sawiin, tunah hian Zu paihna hmun an neih chu siam\hat mek a nih thu a sawi bawk.

Popular News