Zofate Chawlhbuk sak nan MZP in Bawm dawh dawn.

Mizo Zirlai Pawl (MZP) chuan Borapansury khua a Zofate Chawlhbuk sak hna tluang taka \an a ni ta chu lawmawm an tih thu sawiin, he Chawlhbuk sak turah hian Zofa zawng zawng ten kut an thlak theihna turin Bawm dawh nise an ti bawk.
MZP Gen. Hqrs. Executive meeting nimin July 1, 2014-a Aizawl-a neih chuan tunhnaia MZP in CADC area, Borapansury khua a Zofate Chawlhbuk sak bul an \an thlirin Chawlhbuk sak hna tluang taka bul \an theih a ni chu lawmawm an tih thu an sawi a. YMA in Mizo Hnam tana Pa nih an tlinzia tilang tura Zofate Chawlhbuk sak chungchanga thlawpna leh kawng engkima puih an inhuam thu an sawi chu thlamuanthlak an tih thu sawiin, hei hian Mizote chu hnam thil ah kan \anrual zia a lantir ni ah an ngai tih an sawi a. Zofate Chawlhbuk hi hun remchang hmasa berah RCC in changtlung taka sak tum a ni tih sawiin, hetah hian Zofa zawng zawng ten a remchan dana kut kan thlak \heuh theih nan Zoram hmun hrang hrangah Bawm dawh nise an ti a, ‘Mahni remchan dan anga kut kan thlak ve theihna a ni tih hria a kan phal ang tawk \heuh Bawm ah hian lo thlak ve turin Mizo mipuite kan ngen a ni,’ an ti bawk.
    MZP President, Pu Lalhmachhuana kaihhruai MZP Executive Meeting hian vawiin thlenga zirlai College Admission changlo \hahnem tak an la awm chu pawi an ti tak zet tih sawiin, Zirlaiten College Admission chungchangah harsatna an tawk \hin tih hria in ruahmanna felfai tak siam lawk \hin turin Mizoram sorkar pawh vawi tam tak an lo ngen tawh \hin tih an sawi a. Amaherawhchu ruahmanna fel fai tak engmah siam a ni loh avanga tun thlenga zirlai College luhna tur hmulo \hahnem tak an la awm chu hriatthiam harsa an ti tak zet tih sawiin, Zirlai ten College Admission an hmuh ngei theih nan MZP chuan a tawp thlengin hma a la zel dawn tih an sawi a, zirlai admission la changlo te chu lo mangang lo turin an chah bawk. Hei bakah hian MZP chuan Mizoram-a College hrang hrangin tun thlenga Principal nghet an la neilo chu pawi an tih thu sawiin, heng Principal neilo College te hian University Grants Commission duhdan anga Principal nghet an neih thuai theih nan a rang thei ang bera hma la turin thuneitute an ngen nawn leh tih an sawi bawk.

Popular News