STR&WCC in Serchhip-a Thing Mistiri leh Bawnghnute rate tur an bithliah thar.

Serchhip Town Rate and Wages Control Committee chuan Serchhip-a Thing Mistiri in rate an siam thar leh Bawngvulhtu ten Bawnghnute man an siam thar chu chu pawm lovin thingzai phel tirna man tihsan rawtna an hnawl.
Serchhip Town Rate and Wages Control Committee hi nimin June 2, 2014 khan Ser-chhip DC’s Meeting Room-ah \hukhawmin tunhnaia Serchhip-a thilman sang \henkhat an thlirho a, Serchhip-a thing Mistiri ten Aizawl rate ang zawma nikhat rate Rs. 700/- a an lo tisang ve mai chu thil dang dang rate-ah nghawng \halo nei thei a nih avangin leh mipuite tana phurrit tling thei a nih avangin, a sang berah Mistiri senior leh bungraw nei \ha pawhin nikhatah Rs. 550/- aia sang an inchhiar tur a ni lo tiin an rel a. Hei bakah hian, tun July thla a\anga bawngvulhtu ten bawnghnute no khat Rs. 10/- a an hralh \hin, a let thawka an san mai chu a dik lo tiin Rs. 15/- ah a bituk sak bawk a ni. Hei bakah hian Serchhip-a Furniture Workshop neituten thingzai phel man rate thar atana rawtna an siam chu thlirin an hnawl a, rate awmsa chu hmang leh rih tura tih niin hemi ang hian thingzai kawng khat zai man chu 4”x3” (Char tin) Rs. 15; 4”x 4” (Char char) Rs. 20 leh a tĂȘ phel man Rs. 10 a ni. Tin, kum 2012-a hnamdang Mistiri rate lo siam tawh pawh ennawn niin Mistiri senior tan nikhatah Rs. 400/- leh Helper tan Rs. 250 an tuk sak bawk.
    He \hutkhawm ah hian he committee-in rate a lo siam ang hmang lova, hnamdang mistiri ten \heka chauha an thawh duh thu a sawi \hin chu a \hat loh thu sawilan niin \heka rate siam ve mai a \hat dawn leh dawnloh chungchang te pawh sawiho a ni a, hemi chung-chang leh hnamdang hlawhfa te rate chungchang a \ul anga lo zirchiang turin YMA Sub-Hqrs. Serchhip chu an ruat bawk a ni. He meeting-ah hian Serchhip-a sa chi hrang hrang rate, he committee-in a bituk ding lai ten zawm a hlawh leh hlawh loh te pawh sawi zui nghal a ni a, he hun kaihruaitu, Pu VL. Remliana, Addl. DC chuan thupek lo awm tawh chu khauh taka kenkawh a nih tur thu sawiin, tuna rate dinglai pawh khauh taka kenkawh a nih tur thu a sawi a, sa rate hmanlai chu mipui hnenah a zau thei ang bera puanzar a nih tur thu leh sorkar rate siam zawm lo tute laka thununna lek a nih theih nana complaint theihna tur phone number nen tarchhuah a nih tur thu a sawi bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.