Mizoram-a mipa 73.6% ten meizial zu in 83.1% in vaihlo a\anga siam an hmang bawk.

National Health Survey vawi 3-na in a tarlan danin Mizoram a Mipa 73.6% leh Hmeichhia 16.1% ten meizial an zu a, Mipa 83.1% leh Hmeichhia 60.8% ten vaihlo a\anga siam a hmuam leh a ei chi ti an awm.
He thu hi Mizoram Tobacco Control Society (MTCS) Project Director Dr. Jane R. Ralte chuan tunhnaia Vaihlo leh a kaihhnawih chungchang zirhona Aizawl-a buatsaihah sawiin Mizoram chu India ram pumah zuk leh hmuam ti nasa ber record siamtu a nih mek thu leh hei hi a chhuanawmloh hle tih a sawi a. Dr. Jane R. Ralte chuan rampum huap hriselna lam zirchiangtu National Health Survey vawi 3-na a tarlan a nih danin Mizoram-a mipa 73.6% leh Hmeichhia 16.1% ten meizial an zuk thu leh Mizoram-a mipa 83.1% leh hmeichhia 60.8% ten vaihlo a\anga siam a hmuam leh ei chi an tih bakah hian Mizoram chu Khaini hmuam tamna ber State a nih thu leh mi nuai 5.41 in zuk leh hmuam an ti \hin anga chhut a nih thu a sawi bawk.
    Vaihlo dona kawnga hma an lakna kawngah Sorkar leh Kohhran hrang hrang te thawhhona a zarah hmasawnna a hmu chho ve zel tih pawh sawiin, puipunna hmun a meizuk ching nasa takin a tlahniam tih pawh a sawi a, mipa bikah zuk leh hmuam ti an tlem zel laiin hmeichhia erawh a pung zawngin an kal thu leh \anlakna tur tam tak hmabak la awm thu pawh a sawi a. Mizo in natna a thihpui tam ber Cancer zawng zawng Zaa 50 vel chu zuk leh hmuam vang a nih thu leh India ram pumpuiah Cancer vei tamna ber State kan nih thu sawiin, vaiihlo leh a kaih-hnawih dona kawngah nasa zawka \an lak a \ul thu a sawi bawk.

Popular News