Mizoram Legislative Assembly Budget Session ah thla 4 chhunga sum hman tur pharh a ni.

Nithum chhung awh tur Mizoram Legislative Assembly Budget Session chu nimin July 8, 2014 khan neih \an a ni a, nimin khan thla 4 (August-November) thla chhunga Mizoram sorkar sum hman tur chu Vote-on-Account a phar niin Vawiin ah sawiho a ni ang.
Mizoram Legislative Assembly 7-na, \hutkhawm vawi 3-na chu nimin July 9, 2014 khan Assembly Speaker, Pu Hiphei kaihhruai in neih \an a ni a, Session dangah Budget pharh niin zawhna leh chhanna hun hman a nih ngailoh laiin nimin inkhawm ah hian hun hmasa darkar khat chhung chu nidang angin zawhna leh chhanna hun atan hman hmasak a ni a, hemi chungchangah hian House Leader Pu Lal Thanhawla chuan Speaker chu thil awmzia a zawtfiah nghe nghe a, Speaker chuan Session neih dan tur duangtu, Bussinees Advisory Committee in ni 3 chhung chauh \hutkhawm nise tih a rel hnuah Sorkar a\anga Bill lut 5 lai a awm tak avangte, hun a chep deuh avangte in Budget pharh ni ah Zawhna leh chhanna hun chu an dah tel ta mai tih sawiin, House memberte leh Zoram mipuite ngaihdamna a dil nghal bawk a ni.
    Nimin a Assembly inkhawm ah hian Finance Minister Pu Lalsawta chuan kum 2014-2015 Mizoram Budget puitling pharh theih ala nih loh avangin kumin August a\anga November thla thleng, thla 4 chhunga Mizoram Sorkar sum hman tur, Rs. 2377,88,83,000/- chu vote-on-account in a pharh a, Vawiin hian sawiho a ni ang. Nimin a zawhna leh chhanna hunah PWD changtu Chief Minsiter Pu Lal Thanhawla chuan Lengpui-Mamit-Langkaih kawngpui National Highway 44A chu Contractor ten a chei\hat hna an thawh mek thu leh an hnathawh dan erawh duh thu a samlo tih a sawi a, MNF member Pu Lalruatkima chuan he kawng chei hna thawk tura thlan Gayatri Construction Company chuan Sub Contract tam tak pechhuakin hna an thawk \halo hle tih a sawi bawk a ni.

Popular News