Mizoram hmundang rualin Serchhip-ah Remna Ni hman a ni.

Niminpiah June 30, 2014 kha India leh MNF ten inremna an ziahna Ni, Remna Ni a ni a, Serchhip-ah pawh MNF leh PAMRA te chuan a hrang ve ve in he Ni pual hian hun an hmang a ni.
Remna Ni pual hian Serchhip East Block MNF chuan an President, Pu K. Tlangthanmawia te In, Serchhip Bazar Veng-ah inkhawm an nei a, he hun hi Pu C. Vanlalsiamthara, NCM chuan kaihruaiin Pu F. Lalthlamuana, PAC leh Pu Lalrikuma, Organiser ten thu sawiin PAMRA Serchhip District a\angin Pu PC. Lianhnuna Secretary pawhin thu a sawi bawk a ni. He huna thusawitu te chuan Mizoram tana Martar, MNF sipaite hlut zia leh Mizoram Sorkar pawh in Martar chhungte chu thlahthlam lo se an duh thu te, Remna leh muanna a awm theih nana hmalak a nih dan te, Mizoram mipui tawrhna te leh Mizoram tana MNF hmalakna hrang hrang te sawiin, Remna chu Pathian min pek a nih thu leh venhim zel a pawimawh thu te pawh an sawi bawk a ni.

Popular News