Mizoram Governor tur ruat thar a ni

Mizoram chuan a \umkhatna atan Governor atan Hmeichhia a nei dawn niin a lang a, Gujarat Governor Dr. Kamla Beniwal (87) chu Mizoram Governor atan ruat niin he hna chelh mektu, Pu Vakkom B. Purusho-thaman chu Nagaland State Governor atan sawn a ni a, Tripura State Governor hna a chelh kawp rih ang.
Dr. Kamla Beniwal hi Jan 12, 1927-ah a piang a, zirna lamah MA(History) a ni a, Politics ah a inhmang hma a, kum 27 mi lek a nih laiin Rajasthan a Congress sorkarah hmeichhe Minister hmasa ber ni thei a ni a. Portfolio pawimawh tak tak Home, Education, Agriculture, Revenue Minister te alo ni tawh a. Oct-Nov 2009 khan Tripura Governor atan dah niin, NE India a hmeichhe Governor hmasa ber a ni nghe nghe a ni. Nov.27, 2009 a\ang khan Gujarat Governor atan ruat niin Gujarat Governor anih laia Chief Minister chu tuna Prime Minister Narendra Modi hi a ni a, Modi sorkar nen khan an inmil lo hle, Beniwal-i hian Gujarat-a Modi-a sorkar kal kanin Lok Ayukta a din a, an inkar a \ha vak lo a ni. Hetihlai hian BJP Mizoram Pradesh chuan thuchhuah siamin Mizoram Governor thar tur, Dr. Kamla Beniwala chu India Prime Minister, Narendra Modi nen kawng \henkhat ah pheikhai ruallo tak an ni tih tarlangin, kan State tan \angkaina nei em em turah an ngailo tih an tarlang a. ‘Governor a ruattu Congres sorkar ber an tlak tawh chuan Gentlemen tak a bang tawh tur an nih tawh lai a, bang duhlo a, a hrem nan a Mizoram-ah Central sorkar tharin an rawn sawn hrih mai hi Mizoram pawh thlenglo a, Governor a\anga inhnukdawk nghal mai turin BJP Mizo-ram chuan a kan phut tlat a ni,’ an ti bawk.

Popular News