Mizoram-ah Cancer thihpuitu an tam fal

Statistical Abstract of Mizoram-2013 a tarlan a nih danin, natna malkhai ah Cancer chu Mizorama thihpui tam ber natna a ni a, hetihlai hian kum khat chhunga mitthi chhinchhiah zingah kum 70 leh a chunglam an tam ber.
Tunhnaia tlangzarh tak Statistical Abstract of Mizoram a tarlan a nih dan chuan, kum 2004 a\anga 2011 chhunga Mizorama natna malkhai a thihpui tam ber Cancer vang hian kum 2004-ah mi 593 an boral a, 2005-ah 618, 2006-ah mi 600, 2007-ah 640, 2008-ah 654, 2009-ah 683, 2010-ah 683 leh 2011-ah mi 775 in Cancer natna hi an thihpui a ni. Cancer natna bakah hian Malaria leh Asthma & Bronchitis chu kum 8 chhunga natna thihpui tam ber an ni bawk a, kum 2004 a\anga 2011 chhunga thih chhan langsar ber Cancer vang hian mi 5246 thiin Malaria vangin mi 3671 an thi a, Asthma & Bronchitis vanga thi mi 3415 awmin Lungna vanga thi mi 2249 leh Pneumonia vanga thi mi 1816 an awm bawk a ni. Natna vang nilo, lirthei chetsualna vanga thi kum 2004-ah mi 133 an awm a, 2005-ah 93, 2006-ah 59, 2007-ah 68, 2008-ah 85, 2009-ah 87, 2010-ah 54 leh 2011 ah mi 70 an awm a, kum 8 chhunga lirthei chesual vanga nunna chan hi mi 649 zet an tling a ni. Report a tarlan a nih danin, kum 2011 khan Mizoram-ah mithi 5,484 chhinchhiah an awm a, an zinga a tam ber 1,326 te chu kum 70 leh a chunglam (70& Above) an ni a, kum 1 leh a hnuailam thi 856 zet an awm tling bawk.

Popular News