LAD in BPL SHG te \anpuina sem

Serchhip-a LAD chuan BPL Self-Help Group (SHG) 37 te tan nimin July 11, 2014 khan \anpuina pe chhuakin SHG kalphung zirhona neih nghal a ni.
SHG te tana \anpuina, Revolving Fund hi Serchhip DLAO Pu ST. Lalhmingmawia Office-ah ama hova sem a ni a, he hunah hian Pu ST. Lalhmingmawia chuan SHG chu sorkarin hmeichhiate anmahni ke a ding thei tura rahbi a siamsakna hmanrua a ni, a ti a, a hmanna tur dik taka hmang tur leh bul \anna tura an sum dawn te chu peipung ngei turin a chah a, pawl kalpui dan \ha leh pawimawhte a sawi bawk a ni. Nimin a BPL Self-Help Group Revolving Fund sem tak hi SHG te an intodelh theihna tur leh hma an lak zel theihna tur atana ruahman a ni a, SHG 37 te hi Rs. 25,000/- \heuh sem niin a vaiin Rs. 9,25,000 sem chhuah a ni a, hei bakah hian SHG te seal, Rs. 300 man zela siam chu pekchhuah nghal bawk niin hemi nen hian SHG pakhat in \anpuina an dawn hi Rs. 25,300/- a ni a, \anpuina semchhuah zawng zawng hi Rs. 9,36,100/- hu a ni a. |anpuina Sum te hi Self-Help Group te Bank Account ah thunsak \heuh an ni. He hunah hian Pi H. Lalmal-sawmi, LDC chuan SHG kalphung leh thil \ul hrang hrang bakah, sum vawn dan an zirtir nghal bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai