Latest News

Kumin ah MSHCS-ah mi 111,678 inziaklutin RSBY-ah mi 152,983 an inziaklut bawk.

Kumin sorkar kum kal mek 2014-2015 chhungin Mizoram State Health Care Scheme (MSHCS) hnuaiah mi 111,678 inziaklutin Rash-triya Swasthya Bima Yojana (RSBY) hnuaiah mi 152,983 an inziaklut bawk.
He thu hi nimin July 17, 2014-a Mizoram State Health Care Society (MSHCS) Governing Body \hutkhawm vawi 13-na an Chairman, Chief Minister, Pu Lal Thanhawla hova neih ah tarlan a ni a, he huna tarlan a nih dan chuan kum 2014-2015 chhungin RSBY-a inziaklut mi 152,983 awmin, damlote tana sum pekchhuah chu Rs. 1,47,22,460/- a ni a, MSHCS-ah mi 111,678 inziaklutin damlote tan Rs. 83,54,626/- pekchhuah a ni bawk a ni. He \hutkhawm ah hian khawsak harsa zawk mirethei tan man tlawm taka damdawi, Generic Drugs an lei theih dan tur chungchang sawihoin, a bul \an nan hetiang damdawi dawr hi Aizawl Civil Hospital compound chhungah MSHCS enkawlna hnuaiah Jan Aushadhi (JAN) Generic Drug Store siam nise an ti a ni.
    Hei bakah hian Aizawl Municipal huamchhunga Private Employers hrang hrang Private School te, Nursing Home leh a dang dang tena hnathawk tur an chhawrte tana ham\hatna tur Employees State Insurance Scheme (ESIS) hman ve theih dan tur chungchang pawh sawiho a ni bawk a, he scheme hi ESI Corporation in kalpui in Private Institution-a hnathawkte hi dam loh thulhah hlawh an hmuh loh \hin avangin an theihloh chhung zawng hlawh an hmuh lo \hin chu ESIS a\ang hian siam sak an ni \hin dawn a. Amah-erawhchu a ruaitu Employer ten ESIC ah hian sum an chhunluh ve tur share an neih a ngai dawn a, hemi anih avang hian an inkarah inrintawkna siam turin meeting neih hmasak ala tul tur thu he hunah hian sawilan a ni. Tunah hian ESI Dispensary dinna tur Urban Health Centre, ITI chu thlan fel tawh anih thu tarlan a ni bawk.

Comments

Popular News (Last 30 Days)