Chanchinthar thenkhat :

ILP enfiah runpui neih a ni

@@ Central YMA in ruahmanna a siam bawhzuiin nizan hmasa, June 30, 2014 zan khan Serchhip-a YMA Branch hrang hrang te chuan Police te nen \angtlangin ILP enfiah runpui an nei a, ILP neilo mi 4 hmuhchhuah niin heng mite hi Serchhip Police ten nimin khan Court-ah hruaiin thawnkir tura tih an ni.

PYD Social Work Day
@@ UPC (NEI) a Penticostal Youth Department (PYD) chuan niminpiah June 30, 2014 khan vantlang tana thil \ha tihna Ni, Social Work Day an hmang a, Serchhip khawpui chhunga Pastor Bial hrang hrangah thingphun na Ni hmangin Serchhip Pastor Bial te chuan Tarpi tlang-ah thing\iak 60 phunin Serchhip Town chhungah thing\iak 150 zet an phun a ni. PYD te hian kumtin Social Work Day hi October thla ah hmangin Faina kawnga hma lakna atan an hmang \hin a, amaherawh chu Faina Hapta nen a inrual avangin June thla ah an hmang ta zawk a ni.

Bawrhsap Pa boral
@@ Serchhip District Bawrhsap, Pi Juhi Mukherjee, IAS Pa, Pu Sandeep Kumar Mukherjee (61) chu hun rei tak natna tuara a awm hnuah niminpiah June 30, 2014 chhun dar 1:00 vel khan a boral. Serchhip DC, Pi Juhi Mukherjee-i’n Ser-chhip-a Bawrhsap hna a rawn chelh hma a\angin a pa hi Lung Cancer vangin damlo tawh a, hei vang hian Bawrhsap hian chawlh pawh a lo la fo tawh \hin a, DC te chhungkua pawh a vuina a tel turin nimin khan an kal nghal a ni.

Sorkar hnathawkte hlawh a\anga sum hmuh tam
@@ Mizoram in sum a thawhchhuah tam ber zaa 60 chuang chu sorkar hna-thawkte hlawh a\anga hmuh a nih laiin Mizoram-a mipui tam ber, kuthnathawktu te thawhchhuah chu zaa 20 vel chauh ala ni. He thu hi nimin a Aizawl-a Statistic Day puala inkhawm neih ah tar-lan a ni a, he huna tarlan a nih dan chuan 2004-2005 a\anga 2010-2011 thleng khan kuthnathawkte thawhchhuah hian zaa 20 bawr bak ala pel theilo a, 2010-2011 bikah chuan Mizoram in sum a thawhchhuah pumpui a\anga 20.07% chu kuthnathawktute thawhchhuah a ni a, zaa 17.29% chu thil siamchhuahna lam (Industry) a\anga hmuh a nih laiin 62.64% zet chu sorkar hnathawkte hlawh a\anga hmuh a ni thung a ni.

Tuikuk raltlan 6511 let tawh
@@ Tripura-a Tuikuk raltlan te lak let hna chu kum 2009 a\angin \um 6 thawh a ni tawh a, heng \um 6 ah hian raltlan mi 6511 laklet an ni tawh a. Tunhnaia Tuikuk laklet hna a \um 6-na atana thawh zawh takah khan chhungkaw 173-a mi 783 laklet niin heng mite hi Mizoram mi leh sa an nih leh nihloh enfiah tawh niin tun thla ni 7 a\angin khawtina an chenna ah enfiahin chhiar leh an ni anga, hemi hnu hian \anpuina chhungkaw pakhat tan Rs. 87,500/- zela pek a ni ang.

Popular News