AMC Licensing Regulation 2012-ah ngaihdan thuhmun ala awm theilo.

Aizawl Municipal Council in Licensing Regulation a siam chu sumdawng pawl leh tlawmngai pawl te chuan an duhloh thu an la sawi zui zel a. AMC thuneitute chuan AMC Licensing Regulation chu sumdawn phalna ni lovin Sanitation Rules tihzauhna ang chauh a nih thu an sawi thung.
AMC-in Licensing Regulation 2012 a kalpui chungchangah hian Mizoram Merchant Association (MIMA) chuan Aizawl-ah thuthar lakhawmtute kawmin AMC Licencing Regulation chu ram leilung fate tana himlo nia sawiin, he dan hmang hian AMC in Mizo hnam an hralh mek niin an sawi a. AMC Licencing Regulation an duh loh chhan hrang hrang sawiin, Licensing Regulation hnuaia inziahluk tura lehkha thil tel ngai-dawr neitute a\anga NOC, Local Council a\anga NOC, EPIC, Residential Certificate te chu neih harsa a nih loh avangin hnamdang sumdawng duhte chu dan an harsa dawn hle niin an sawi a, AMC-in Licence chu sumdawn phalna a nih loh thu leh sumdawnna atana hmunhma phalsakna tiin sawi \hin mahse, sumdawn phalna nen a danglam lo tih sawiin, tuna Tribal mi ni lote tana Licence an peh tawhte chu hnuhkir leh a harsa tawh an rin thu an sawi a, hetiang zela a kal chuan Aizawl khawpuiah hnamdang sumdawng an pung telh telh dawn a, chuvang chuan he dan hi an duh lo tih entir nan tun thla ni 17, (Ningani) hian AMC huamchhunga sumdawnna hmun zawng zawngte chu an khar dawn niin an sawi.
    Hetihlai hian AMC Licensing Regulation 2012 zirhona hi nimin July 15, 2014 khan AMC chuan Aizawl Press Club-ah thuthar lakhawmtute tan an buatsaih a, he hunah hian AMC Chairman, Pu CT. Zakhuma chuan AMC Licensing Regulation 2012 ah hian Licence dilna Form lachhuak 3,520 awmin mi 1,043 hnen a\angin dilna an dawng tawh tih a sawi a, heng zinga 544-te chu sumdawn phalna an pek tawh thu leh mi 544 zinga 39-te chu Tribal ni lo an ni tih sawiin, Tribal ni lo licence an pekte hi Permanent Trade Licence nei sa, Mizoram Electoral Roll-a awm leh District Council hunlai a\anga sumdawng tawh an ni tih a sawi a. AMC Chairman chuan, Licensing Regulation chu Dan thar a nih loh thu leh, Sanitation Rules tihzauhna ang chauh a ni tih sawiin, khawpui tihthawl nan leh a felfai zawk nana ruahman a ni tih sawiin, kum 2012 khan dung chhuakin Board of Councillor \hukhawmin an pawm a, hemi hnu hian siam\hat ngai te chu siam\hat zel a nih thu a sawi bawk.
    He hunah hian AMC Executive Councillor, Pi Hming-thanzami, Licensing Regulation changtu pawhin AMC Licensing Regulation chu sumdawn phalna a nilo tih sawiin, mi in ‘Sumdawn phalna’ tiin sawi tlat mah se a ni lo tih a sawi a, Tribal Certificate an phut loh chhan chu ram Danpui kalh a nih dawn vang a ni tih pawh sawiin, Tribal Certificate an phut chuan mi in Court-a an khinin thiam an chang dawn lo a, chu chu hnamdang sumdawngin an hriatfuh palh an duh lo niin an sawi a, an dawih vang a nih loh thu leh huai a sawt lohna lai tak nia an hriat thu a sawi bawk.

Popular News