Latest News

Aizawl-a In chim ah hnamdang pakhat chin hriatloh in awm.

Niminpiah July 14, 2014 tlai khan ruahsur nasa avangin Aizawl Falkland Hebrai Veng-ah vai mistiri pakhat, Amar Hussein chenna In Assam Type chu a chim a, he In a cheng mi 6 chu In chim hian hnawlin mi 5 chu dam taka lak chhuah an niin nu ber chu he thu buatsaih lai theng hian hmuh ala ni lo.
He In hi Pu Lalramenga, Bethlehem veng ami In niin vai mistiri Amar Hussein, Cachar lam mi in luahin he In bul lawka RCC sak lai meka Helper hnamdang pahnih a awmpui bawk a, tunlai hian a nupui leh fate pahnih an khua a\anga rawn zinin an awmho lai a ni. Niminpiah tlai dar 5:00 vela ruahsur ah khan he In dinna lei hi tawlhin In hi a tawlhpui a, an kawmthlang thui vaklo hi lengkir niin, mi 5 te hi lengkir a tla thla lovin nung dama lak chhuah an ni a, hliam na lutuk pawh an awm lo a, damdawi In-ah hruaiin First Aid peka chhuahtir vek an ni a, In luahtu pa Amar Hussein-a nupui Munna Begum chu a chin hriat a ni ta lo a, lei tawlh leh tuihawk hian, a thlang lengkir ah hian len thla thlain kawrpuiah, Vailui ah len lut nia rin a ni. He vanduaina thlenga chin hriatloha awm Munna Begum hi nizan hmasa a\ang khan State Disaster Response Force leh Falkland khawtlang, Zemabawk leh Zemabawk North khawtlanga mi tlawmngaiten an zawng a, zan dar 9:00 thleng vel zawngin ruahsur avangin zawn chhunzawm a harsat avangin chawlhsan niin nimin khan zawn chhunzawm leh a ni a, nimin tlai dar 5:00 thleng khan chin hriat ala nilo a, a thawmhnaw hak \henkhat chu Vailui kam-ah an hmu nia thudawn a ni bawk.

Comments

Popular News (Last 30 Days)