Zu khapna leh khuahkhirhna thar duang

Chief Minister leh MPCC President ni bawk, Pu Lal Thanhawla chuan The Mizoram Liquor Prohibition & Control Act duan mek a ni, a ti.
He thu hi Zirtawpni kaltaa an party Office-a inkhawm ah sawiin Chief Minister leh MPCC President ni bawk, Pu Lal Thanhawla chuan zu khap burna dan hi hlip dawn lo mah se, zu in lo theilo ten zu \ha an in theih nan The Mizoram Liquor Prohibition & Control Act duan mek a ni, a ti a, zu khap bur hi a hlawh-tling lo tih sawiin, sorkar thu awilo ten an zuar a, a in duh ten an in tho bawk a, zu \ha an in pha si lo a, an hriselna a chhiat phah avangin a pawi hle a ni, a ti a. Hei bakah hian Pu Lal Thanhawla chuan, dan leh thupek kengkawhtu te’n zu hi man reng mah se, an man rem thei lo a,  hrem reng mah se, an hrem sim thei hek lo a, an tang sim chuang lo bawk a, hei hian zu hi khap rem a harsatzia a tilang niin a sawi a, mi lian leh thil ti theite’n zu an zuar a, an in bawk a, anni chuan tuar lo mah se, a tuartu chu mi retheite bawk an nih avang leh, sorkar chu  mi rethei leh harsate lam \ang a nih avangin ngaihtuahna thar an nei tih sawiin, an party thuneitu sang pawh hemi kawngah hian an lungrual niin a sawi bawk.

Popular News