YMA in Chakma chhiarpui neih relin Minister pakhat ban turin CM-ah thlen an rel.

Mizoram-a tlawmngai pawl lian ber YMA chuan Mizoram-a Chakma awm te chhiarpui neih nise tiin Dr. BD. Chakma chu Council of Ministers a\anga ban turin Chief Minister hnenah thlen nise an ti.
Nimin June 27, 2014 khan Central YMA huaihawtin Central YMA Executive Committee leh Sub-Hqrs. YMA hrang hranga OB (Lunglei, Serchhip, Champhai, Kolasib, Mamit) te chuan Aizawl-ah Joint Meeting neiin Mizoram chhung ngeia India ram mi nilo, Bangladesh a\anga dan lova lo lut ten Mizote tana kawng hrang hranga harsatna an siam \hin bakah, tunhnaia MZP in Mizote Chawlhbuk san an tumna dodal a, MDC bye-Election hialte an dodal chu hriatthiam harsa tiin ngawihbo pui chi ah an ngailo tih an sawi a. Hetiang a nih avang hian Resolution 4 passed in Chakma dan lova India rama lo lut an pungchak lutuk leh Electoral Roll-a an pung chak lutuk chu \ha ti lovin Chakma, Mizoram a awmte Census neih nise an ti a ni.
    Hei bakah hian Bangladesh a\anga Mizorama Chakma lo lut an tam lutuk chu tihtawp a nih theih nan a \ul anga hmalak nise tiin MZP hmalaknaa Chakma Autonomous District Council huamchhung Borapansury-a Zofate Chawlhbuk sak chu an thlawp tih sawiin, hun lo kal leh zel turah changtlung zawka an sa leh dawn a nih chuan YMA in a \ul dan a zirin tha leh sum leh paia puih nise an ti a, India ram danpui hnuaia chhechham meuhva thu tiamtu, Dr. BD. Chakma, Minister of State, Sericulture etc. chu Mizoram mipuite inpumkhat-na tichhe zawnga hma a lak avangin, Minister ni zel tlakah an ngailo tih sawiin, Council of Ministers a\anga ban tura ngenna Chief Minister-ah thlen nise an ti bawk.

Popular News