Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

YMA Day pual Article :

YMA CHU..

- Maro Colneya Bungsut
    YMA hi kalsual thei lo tur khawpa \ha ah mi tam takin an ngai a, Mizoram a tlawmngai pawl lian ber a nih vang leh 'Kristian nun dan tha ngaihsan' thupuia ringtu an nih avang pawh a ni mahna le.
Engatinge an sel \hin? :
    YMA chuan thil\ha tih a tum tlat avangin a hmalakna reng reng ah mitam takin mit leh beng an chhi a, a thiltih tam chu a \ha zawngin an thlira, a chhe zawnga thlir an awm bawk \hin. A hmalakna chu alian emaw, a te emaw, Mizo zawng zawng inzawmkhawmna thiltih a nih avangin a hmalakna an ngaichanga, a thutlukna chu Mizo pa thutlukna a ni. Thu zuk leh hnihne a awm thian loh avangin YMA ngaihdan chu kan thlir \hup \hin a ni. YMA hian thilsual a ti thianglo turah kan ngai vek a, a ti ngailo bawk. Mizo kan insuihkhawmna hrui lian ber a nih avangin min kaihruaitu ah kan ngai a. Kan inhumhimna a ni. He ka inhumhimna hian chak takin hma ala a, Mizote \hatna tur zawng zawng a ngaihtuah a. Sorkar pawhin a thutlukna a zaha, YMA hming a nih tawh chuan zah takin a hmalakna a dawng sawng \hin. Hetiang a nih avang hian YMA tih atana mawilo deuh nia lang hmalakna a lo awm a nih chuan YMA chu an sel ta \hin.
YMA leh Tlawmngaihna :
    YMA a nih hmingput tawh chuan tlawmngaihna a keng tel tur a ni. Hei hi ziak loha dah a ni a, Zawlbuk nun dan kha YMA hian a kengkawha, Tlawmngaihna vawng nungtu chu YMA chiah hi a ni. 'YMA takin aw' tih a nih chuan 'Tlawmngai takin' tihna a ni a, Mizopa a nih chuan a kal anga, a ti mai tur a ni. Sumo ah, Driver seat veilam, Seat lai ta ber sir chu YMA seat a ni a. Hei hian awmzia thui tak a nei. He Seat a \hut hi tuman an peih lo a, a remchang a nih phawt chuan seat dangah an \hu hram hram zel. YMA chuan tlawmngai turin min nawrlui a, peih loh chung pawn kan thawh angai. Tlawmngaihna chuan mi thatchhe ber pawh a din tir a, Mi chaklo ber pawh a kal tir hram hram \hin. Thil engpawh lo thleng se, kut thawh ngai chi reng rengah 'YMA tih tur' an tih chuan 'Hlawh engmah awmlo, hlawkna awm lo, mahni insengso a tih tur’ a ni mai. Chumi kara hlawk tum emaw, diklo taka ti an lo awm a nih chuan 'Mizo rilru a pu lo' kan ti a. Chu chuan Mizo te hi tlawmngaihna kengkawha, chhawm nung zel tur kan nih a ti chiang ber.
Pawl zahawm :
    YMA a hminga thiltih reng reng chu khawihmunah pawh a tlang ngei ngei tura ngaih dan nei tlat kan nih avangin leh Thulian thamah te, hmalakna chi hrang hrangte zah a hlawh a, a hmachhawn tu pawn 'Tlawmngai' takin YMA thil tih chu a dang ngailo. Chuchuan YMA chu pawl zahawm a nih alan tir a, YMA hruaitu nih ringawt pawh khawkhata VC member nih ai pawha hrehawm leh zahawmna inkawp a ni thei. Dik taka thil kalpui \hin leh langtlang nghal pawl a nih avangin Pawl thianghlim a ni bawk.
Hruaitu :
    YMA hruaitu te hi 'Hotu' an nilo a, zahawm taka awm tur an ni hek lo. Kawng engkima hmalatu tur an nih avang leh, thil hreawm ber pawh hmachhawn a, member te aia ke pen hmasa tur an nih avangin 'Hruaitu' an ni. YMA hruaitu te zingah 'Keima tih' tih ching an awm chuan hruaitu tlak a nilo. Tin, YMA hruaitu hi mipui kalkhawmin uluk taka kan thlantlin a ni a, chuvang chuan kan ai awha ding an nih avangin sawisel lovin kan chhawmdawl an ngai zawk. Kan aiawha dinga, hreawm tuar tur a kan thlan an nih avangin.
I zui ang :
    ‘Mizo ka ni’ i tih chuan YMA hi zah tur a ni. I aiawha ding a nih avangin. I chakloh lai berin ke a ding thei turin a kai ding che a, i lawmna a lawmpui che a, thihna khur i pan laiin tlawmngaihna chhuahin a um zui che. I thlan tur a laia, thlan khur thim taka i awmna turah man lo in i kuang tur a siam anga, tlawmngai takin i thlan a vur bawk ang. I chhungte khawharna chu YMA hmingin a tuamdam ang a, zan a riah pui bawk ang. YMA chu Mizo ta, khawi hnam dangmahin a neihloh tur a nih avangin a thiltihna chu i zui mai tur a ni.
    YMA chu Mizo a awm chhungin a awm reng dawn a, tlawmngaihna pawh a kengkawh reng ang. Khawvel changkanna in nuai che reng mahse, 'YMA takin' tih a nih Mizo pa in a tih tur dik tak 'Tlawmngaihna' rilru a lo lang anga. Chu chuan Mizo te a thlamuan kumkhua dawn a ni.

Comments

Popular News (Last 30 Days)