Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

YMA Day pual Article :

YMA nghet taka ding zelin



- C.Lalhminghlua
    YMA chuan heti hian a ti ngai e- In kang a awmin \helh turin hak lai nen a tlan chhuak nghal a. Fur ruahtui lo tla leh engemaw avanga In chim leh leimin hnawl a awmin mi mangang chhan chhuah hna thawk turin a tlanchhuak nghal a, a sak leh dan tur thlengin a ngaihtuah chuk chuk bawk a. Ei tur nei lo, ril\ama mei alh en an awmin ei tur ngaihtuahin veh bur a khawnsak nghal a. Tui tla leh ruang zawn ngai an awmin a mawhah la in midang kova bel phet tum lovin ruang zawn hna thawkin a hmanhlel \hin bawk.
    Mizo \halai fuankhawmna pawl ni ta chu, hnam bil thila hma a lak a \ul chang a awm bawk \hin a, chutiang a nih avang chuan \henkhat tan chuan ngeiawm leh hnawksak chan a chang lek lek a. A nihna pui berah chuan \anpui ngai \anpui chunga ‘Zawldawh chunga vantlang rawngbawltu’ a nih avangin Mizo tawh phawt chu he pawlah hian an leng vek a, an thla a muang a, an lung te pawh a tileng \hin a. He pawla hruaitute chu zawldawh thiam, mi tihnat duh ngai lo leh midang hriatthiamna ngah mi an \hin nih avangin Kohhrana rawngbawltu pawimawh Kohhran Upa kan tih te nen ze in an na tak pawh an nei a, mahse YMA kalphung chu Kohhran kalphung nen chuan a inpersan viau lawi si. Kohhran chuan \awng\aipui a uar a, YMA chuan \anpuina kut thawh a uar thung.
    Chutianga ti \hin YMA a nih avang chuan khawtlang leh sorkar meuh pawhin rinrawl berah a nei a, YMA inrawlhna chin chu thianghlim leh fel tawk turah ngaih a ni. YMA hian hruaitu azirin a lan dan thlak ve fo va, mitdel Sai khawih ang maiin a nawktu a zirin hmuh dan leh hriat dan in ang chiah lo mah se YMA chu YMA a ni a ni zel tho. Hruaitu \henkhatin hmasawnna hnathawh \ha zawka nawr kalna hmanraw \ha takah an hmang thei a, \henkhat chuan mahni hmakhua atana thuneihna lak nan an hmang ve thei bawk.
    Computer Age leh Bikers’ Den -ah hial kan luh tawh lai hian YMA zia hi inthlak ve bek bek mah sela, zawldawh chunga vantlang rawngbawla \anpuina kut thawh a chawi nun chhung chuan a duh leh a tum vang ni lovin awlsam tea vantlang thuhnuai theihna ruk a zakzeh kumkhua thei a. Chuti ni lova thuneitu tak tak emaw tia mahni duh zawng leh ham\hatna atana midang nawrna ‘Pressure Group’ pawimawh tak leh zei show-na platform anga he pawl hi a kal ve hlauh chuan ngai thei lo leh zo lo an awm mai ang. YMA hian eng lam hawiin nge ke a pen tam ber tih hi inchik sela, \anpui ngai \anpui hawi zawng ni lova ke a pen tam zawk a nih chuan tlu sual thei dinhmunah dingin a ke chheh siamrem a ngai a ni tih a inhre thei mai ang.
    YMA hi pa mawl mang tak, thahrui ngah tak, fuihpawrh nuam tak leh mi tih ngam loh pawh ti thei zel, at huai angin nge a lan a, zai dam leh thin nel tak leh hawi harh, fing taka che \hin, Duhthusam thlap leh sawisel bo zawng a ni kumkhua bik lovang. Mahse, a ze pui ber kalsan lova a chet chhung chuan Mizo mipui tan hian innghahna tling pawl lian ber a ni zui reng thei ang. Kum 79 laia upa ni tawh YMA hi tha \hum lovin, Mizo mipui tan nghet takin ding zel phawt mai teh se.

Comments

Popular News (Last 30 Days)