Tualchhung thuthar thenkhat :

Serchhip-ah thing phun

@@ Mizoram puma Green Mizo-ram Day hman rualin nimin khan Serchhip-ah pawh he Ni hi hman a ni a, he Ni pual hian Serchhip Ba-zar tual-ah inkhawm neih niin he hun hi Pi Vanlalawmpuii Chawng-thu, MLA chuan khuallian niin a hmanpui a ni. Hemi hnu hian Khual-lian hian District Park, Dawngzawl ah thing phunin sorkar Department hrang hrangte pawh Group 9-an \henin Serchhip leh Kei\um inkar ah thing an phun bawk.
DRDA Officer te sawnkual
@@ Serchhip DRDA Office-a Officer engemaw zat chu sawn kual an ni dawn a, thudawnna in a tarlan danin Pu David Zodingliana Kawlni, AE chu Saiha a awm tura tih niin Pi Evelyn Lalhmangaihi APO (Monitoring) chu Aizawl a awm tura tih a ni a, Pi Rohnuni Kawlni, APO (WD) chu Lunglei-a awm tura tih a nih bakah Pi Lalrinawmi, Account Officer chu Kolasib-ah sawn a ni bawk a, June thla chhunga an hna hi zawm tura tih an ni.
World Blood Donors Day
@@ Association for Voluntary Blood Donation (AVBD) Serchhip Branch chuan nimin June 11, 2014 khan Executive Meeting neiin tun thla ni 14-a World Blood Donors Day lo thleng tur chu Serchhip-ah hman leh ngei nise tiin kumdanga an lo tih tawh \hin angin Kohhran \halai, tlawmngai pawl hrang hrang leh zirna In hminga thisen pe tam te hnenah lawmman hlan leh nise an ti.
SBI dawr mumal theihloh
@@ State Bank of India (SBI) Serchhip Branch chu an khawl lam \hatlohna avangin nimin June ni 11, 2014 leh nimin-piah June 10, 2014 khan mipui dawr theihloh in khar a ni tawh nia thudawn a ni a, hei vang hian anmahni dawr \hintu ten harsatna an tawk mek nia thudawn a ni bawk.

Popular News