Tripura-a Bru raltlante laklet thawh 6-na Vawiin a\angin neih \an a ni dawn.

Vawiin June 17, 2014 a\ang hian Tripura-a Bru raltlante laklet thawh 6-na chu neih \an tum a ni a, hemi atan hian ruahmanna pawh peih ni tawhin Mizoram-a anmahni dawngsawng turte pawhin an duty-na tur an thleng tawh bawk a ni.
Bru raltlan laklet tum chungchangah hian Mamit DC Pu K. Lalthawmmawia chuan tun \uma lo let tura thlan chhungkaw 459 chu a taka thil a thlen hma chuan thil awm dan tur sawilawk a harsa tih sawiin, an lo chhuah nan leh Mizoram an lo luha Kanhmun leh Zomuantlang Facilitation Centre-a an mahni lo dawn sawn dan tur thu sawiin, heng mite lo dawngsawng tur hian sorkar mi pawimawhte pawhin nimin June 17, 2014 khan an duty-na tur hi an pan tawh a. Bru raltlan rawn kir te hian Bru Camp a\angin Tripura sorkar ruahmanna in Mizoram hi an rawn pan dawn tih sawiin, he mi hnu lama an khawsakna tur, khaw thlan sa 28-a hruai dan turte leh heng khua an thlen huna an khawsak lailawkna tur In te sak peih vek a ni tawh tih Mamit DC, Pu K. Lalthawmmawia chuan a sawi a, an ei tur buhfai pawh kg. 20 zelin chhung tin pek phawt an ni dawn tih sawiin, Facilitation Centre-ah hian an Ration Card pawh sem nghal a ni anga. An awmna tur khaw tinah hian an mahni lo buaipuitu tur, Administrative Officer (AO) leh Village Resettlement Committee pawh din a ni tawh a ni.
    Refugee Camp a\anga an lo kir huna tluang taka an chhuah theih nan Tripura Sorkar chuan venhimna lam leh an mahni buaipuitu tur a ruahman fel tawh a, Mizoram sorkar pawhin Rural Development Department-a Deputy Director, Pu Robert C. Lalhmangaiha chu Tripura Camp-a Liaison Officer hna thawk turin tir a, ani hian tih tur a neih ang angte a ti tawh bawk a ni. Hetihlai hian Vawiin a\anga Bru lakletna neih tura rawn kir te hi Mizoram mi ngei an nih leh nihloh Mizoram-a Zirlai Pawl te chuan enfiah an tum thu an sawi tawh bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.