Serchhip District-a NLUP Beneficiary list siam thar thlirho.

Serchhip District NLUP Committee chu nimin June 24, 2014 khan an Chairman, District Bawrhsap Pi Juhi Mukherjee, IAS hovin Serchhip DC Committee Room-ah an \hukhawm a, NLUP 3rd & 4th Phase Beneficiary Final List an thlirho.
He \hutkhawm ah hian District Bawrhsap chuan NLUP-a ‘One Crop, One Village’ chu a theih chinah uluk taka kalpui tum anih thu sawiin, a hma a beneficiary \henkhat an trade lo thlang fel tawh ‘One Crop, One Village’ in an Trade a huam tel si loh, hma thui tak lo la tawh an awm nual tih report an dawn thu sawiin, heng mite hi an hma lo lak tawh dan enfiah sak anih hnu ah an hmalak dan azirin ngaihnathiam tur an nih leh nih loh thutlukna siam anih tur thu a sawi a ni. He \hutkhawm ah hian NLUP \anpuina dawng tur list-ah awm nawn (double entry) an awm leh awmloh uluk taka endik leh anih tur thu leh chhungkaw khata beneficiary pahnih awm emaw, sorkar hnathawk awmna chhungkua, beneficiary an awm leh awmloh te uluk taka endik leh vek anih dawn thu sawilan a ni a, NLUP hlawhtlinna tura Village-Level NLUP Committee te rinawm leh fimkhur a pawimawhzia leh Monitoring chungchangah Line Department te nen dik taka thawhho a pawimawhzia te pawh sawilan a ni bawk. Serchhip District chhunga NLUP Cluster 3-ah NLUP 3rd Phase atan beneficiary 2072 (Serchhip-690, Tuikum-678, Hrangturzo-704) leh 4th Phase atan beneficiary 1237 (Serchhip- 406, Tuikum-362, Hrangturzo-469) thlanchhuah an ni.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni