Latest News

Serchhip District chhunga Hualtu khua ah inkaphlum

Serchhip District chhung a Hualtu khuaah Inrinni zan zanlai vel khan in-kaphlum an awm a, mi kaphlumtu hi Police ten an man tawh a ni.
Thudawn danin Hualtu khuaah hian Inrinni tlai khan Lalhmingmawia (36) S/o Lalhluna chuan Lalruatsanga (34) S/o Pahlira chu ulh-bun silaiin a dul ah a kap a, a ka chhawn lohin a boral. Serchhip Police a\anga kan thudawn danin Inrinni kalta, June 7, 2014 tlai khan Lalhmingmawia leh Lalruatsanga te hi an intibuai a, an chhung leh \hian\ha ten kuai hrangin an hawn pui ve ve a, mahse Lalruatsanga hian chemtum nen Lalhmingmawia hi a pan leh \hin a, vawi hnih vawi thum lai chem nen a bei a, mahse a inveng hram hram zel a. Hemi hnu hian Lalhming-mawia chuan chutia patling chem tum nena in um reng chu tiin zan dar 12:00 velah ulbun nen hian a pan ve leh a, In a\anga ko chhuakin a kap ta mai nia thudawn a ni. Lalhmingmawia hian tih \haih mai a tum niin a sawi a, a silai-ah hian a mu a inthun leh thun loh pawh a hre lo niin a sawi bawk. Lalruatsanga ruang hi Pathianni khan Chhingchhip-ah postmortem in vuiliam nghal a ni.

Comments

Popular News (Last 30 Days)