RS MP chuh turin mi 2 in hming pelut

Mizoram Rajya Sabha MP inthlanna neih tura chuh tumte tana hming pekluh hun chu nimin khan khar a ni ta a, he inthlanna chuh tur hian mi 2 in an hming an pelut a ni.
Mizoram Rajya Sabha Seat khat hnawhkhahna tura inthlanna tun thla ni 19-a neih turah hian Mizoram-a rorellai Congress Party Candidate, Pu Ronald Sapa Tlau leh MNF Candidate, Pu L.Ramkinlova te an inmal beih dawn a, heng mite hian nimin khan Nomination file in an Nomination Paper hi Vawiin June 10, 2014 hian endik a ni dawn a, inhnukdawk duhte tan tun thla ni 12 thlengin inhnuhdawh theih a ni ang. He inthlanna neih tura Congress Candidate, Ronald Sapa Tlau hi Feb. 2, 1954 khan Hualtu, Serchhip District-ah a piang a, a pa chu Chhuan-vawra Tlau niin tunah hian Zoram Electronics Development Corporation (ZENICS) ah Chairman hna a chelh mek a. Thiamna lamah chuan MA (Mass Communication) a ni a, Congress Party-ah Media Department Chairman leh Spokeman nilai a ni. Hetihlai hian MNF candidate Lal Ramkinlova hi March 16, 1962 khan Ratu-ah a piang a, a pa chu C. Suan-dailova (L) a ni. Zirna lamah MA (Geog) thleng zirin Adventure lamah a in hmang hle a, Mount Ararat School neitu a ni bawk. Tunah hian MNF party-ah General Secretary niin Saiha District a chang a, Falkland, Aizawl-ah a nupui fanau te nen an cheng mek a ni.

Popular News