Rajya Sabha MP inthlanna neih tur atan hriattirna chhuah a ni.

Mizoram State Rajya Sabha MP Seat khat hnawhkhahna tura inthlanna tun thla ni 19-a neih tur atana hriattirna chu nimin June 2, 2014 khan Returning Officer, Pu Ngurthanzuala, Assembly Secretary chuan a tichhuak a, hemi rual hian Arunachal Pradesh leh Karnataka State-ah te pawh inthlanna hi neih a ni ang.

He hriattirna ang chuan June 9, 2014 thleng khian inthlanna chuh tumte tan hming pekluh hun hawn a ni a, June 10, 2014-ah hming pelut te chu endikin, inhnukdawk duh te tan June 12, 2014 thleng hun hawngin inthlan a \ul chuan June 19, 2014 zing dar 9:00 a\anga tlai dar 4:00 thlengin Assembly House Committee Room-ah vote thlak a ni anga, hemi Ni vek tlai dar 4:00-ah vote tla te chu chiar nghal a ni anga, June 21, 2014 hmain he inthlanna hi tihfel tur a ni ang. Rajya Sabha MP te hi Legislative Assembly-a MLA (mipui ten an thlan tlin) in an thlang \hin a. Rajya Sabha ah hian MP 250 an awm a, chung zingah 238 te chu State leh UT-a MLA ten an thlang \hin a, a bak member 12 chu mi chungchuang, ram tana rawngbawlna leh thawh ropui neite a\angin President in a nominate \hin a ni. Rajya Sabha MP term hi kum 6 niin kum hnih danah MP hmun thuma \hena hmunkhat an chawl (retire) \hin a ni.