Pa ei vangin naupang pakhat in nunna chan.

Phawngpui Tlang bul\hut, Sangau khaw bul Sentetfiang khua-ah naupang kum 10 mi chu Pa ei sual avangin a thi.
Thudawn danin Sentetfiang khua a Pu LH. Malsawma te chhungkua chuan Ningani kalta, June 19, 2014 tlailam khan Pa an hmeh a, an Pa hmeh hi chi hrang hrang chi thum chhum pawlh niin an sawi a, he Pa chhumpawlh ei tu te zawng zawng hi an pumna in an luak nasa hle a, an fapa Roneihmawia (10), pawl 6 zirlai chu Sangau Damdawi In panpui niin Inrinni khan a boral zui ta a ni. Pu Malsawma te chhungkuaa Pa eitute hi mi 5 an ni a, chhungkaw Pa ber Pu LH. Malsawma pawh a dinhmun a \hat vak loh avangin enkawl mek a ni a, midang erawh an ngaihtuah awm em em lo niin kan thudawnna chuan a sawi a. An Pa hmeh tem vetu an \henawm Pi Renthluaii pawh engmah ei thei lo in a pum a na nghal a, Sangau Damdawi In-ah Doctor a awm loh avangin tunah hian Sangau a an chhungte inah Tualchher Doctor ten an enkawl mek nia thudawn a ni bawk. Pi Renthluaii hi a dinhmun a der thawng hle nia thudawn a ni a, \awng ri chhuak thei lovin engmah a ei thei lova, ORS leh thisen chaw hmanga enkawl mek a ni. Heng Pa eisualtute hi an zun leh ek te pawh pentui rawng duk angin a awm vek niin thudawnna chuan a sawi bawk.

Popular News