P&E Department Corporation-a leh hmaloh chuan Electric chhitman tisanglo turin sorkar phut.

Mizoram-a tlawmngai pawl hrang hrangte nimin a Aizawl a \hukhawm chuan Mizoram-a Power & Electricity Department chu Corporation-a leh a nih hma chuan Electric chhitman tisang lo turin sorkar an phut.

Mizoram-a tlawmngai pawl hrang hrang Central YMA, MUP, MHIP, MZP, MSU, AMFU, PRISM leh MCU te hi nimin June 10, 2014 khan Central YMA Committee Room ah \hukhawmin Mizoram sorkar P&E Department in a dil avanga Joint Electricity Regulatory Commission (Manipur & Mizoram) in 1st April, 2014 a\anga Electric chhit man a tih san chungchang chu an sawiho a, Electricity Act 2003-in a phut ang leh Mizoram Sorkar pawhin a engemawchen ruahmanna a lo neih tawh \hin angin Mizoram sorkar, P&E Department chu tun Sorkar kum (Financial Year 2014-2015) chhung ngeia Corporation-a dah ni rawh an duh thu sawiin, chumi hma chu Electric chhit man pawh hi tihsan tawh loh nise an duh thu an sawi a, JERC chuan a nihna tur ang takin P&E Department leh mipui inkarah hna thawk tawh se an duh thu an sawi bawk.
    Central YMA Gen. Secretary, Pu Vanlalruata tarlan danin March 3, 2014 khan JERC (M&M) ah P&E Department in phuahchawp deuh taka thil a tih \hin vang leh chu pawh chu endik fel chuang lem lova an pawm \hin nia a lan vangin, JERC (M&M) Annual Report apianga P&E Department in Book of Account Audited Profit & Lost Statement Balance Sheet, Asset Register Inventory leh thildang a vawn ngailoh chungchang ah hmala tura ngenna thehlutin, Mizoram Economic Survey 2013 a P&E Department in Power an lei zat leh JERC a an Report zat inmil lohna te pawh thlen a nih thu a sawi a. Central YMA in a hriat danin P&E Department hi Corporation a let turin Sorkar laipui a\ang pawh in \anpuina sum tam tak an lo dawng tawh \hin niin a lang a, Mizoram Sorkar sum lama harsa tak nasa taka puih theih dan chu P&E Department in an duh duh a Record Data an phuahchawp leh inthlahrung hauh lova mipuia an la puangzar ngam \hin titawp tih chu Central YMA ngaihdan a ni bawk a ni.