NLUP kalpuina ah hmasawnna leh hlawhtlinna tam tak hmuh a ni tih Chief Minister in sawi.

Chief Minister leh Chairman, NLUP Apex Board ni bawk Pu Lal Thanhawla chuan NLUP kalpui naah hmasawnna leh hlawhtlinna tam tak hmu in tluang taka kalpui zel a ni, a ti. 

He thu hi nimin June 5, 2014-a NLUP Apex Board Meeting vawi 13-na NLUP Conference Hall, Aizawl-a neih ah sawiin Pu Lal Thanhawla chuan NLUP kalpui naah hmasawnna leh hlawhtlinna tam tak hmu in tluang taka kalpui zel a ni a, chutih rualin hma sawnna tur a la awm tih chu hai rual loh a ni, a ti a. Mizoram GDP sanna chu NLUP vang nia a lan thu sawiin, hei hian Mizoram in NLUP hi kan \hatpui chho zel a ni tih a tilang a ni, a ti a. Sorkar in kum 4 chhunga NLUP a kalpui naah kuthnathawktu leh loneitu mi tam takin lei rem an rap tawhin, khaw eng hmuin hlawhtlinna a nei tawh a, mahse mi \henkhat pek chhunzawm tlakloh leh hmang diklo an awm \hin hi a pawiin a vanduaithlak hle a ni, a ti a. NLUP-a Line Department tam zawkte chu an phurin hma pawh an la \ha tih pawh sawiin, mahse Line Department \henkhat hi chu an phur teh chiam lo niin a lang, a ti a, hun thar inherchhuak ah hian phurna tharin hma lak a ngai a, chutah chuan tupawh hi kan accountable a ni tih hriat reng a \ul a ni, a ti bawk.
    He hunah hian Pu PL. Thanga, Vice Chairman leh CEO, NLUP Implementing Board chuan ‘NLUP kal zel dan tur ruahmanna’ tih thupui hmangin kawnga hrang hranga NLUP hlawhtlinna awm tawh leh hmalakna tur la awm te chu a tarlang a. Hlawhtlinna \henkhat a tarlan zingah NLUP avanga RKVY sum cheng vbc. 200 chuang Mizoramin a hmuh tawh te; MIFCO a din tirh a\anga a hmasa ber atan kumin ah hlawkna sum cheng nuai 58 a hmuh thu te; Hmunphiah hralhchhuah kum 2008-09 a cheng nuai 37 a\angin kum 2013-14 a cheng vbc. 14.56 ni tawh thu te; MULCO bawnghnute tharchhuah litre 15,000 a\anga litre 20,000 a pung chho te leh Sericulture Department-ina NLUP beneficiaries baka chhungkaw 3000 chuang mamawh phuhru theia an in buatsaih te leh Jhum area za zelah 65 velah a tlakhniam thu te a tarlang a ni. NLUP hi Cabinet Committee on Economic Affairs chuan 15th July, 2010 khan kum nga (5) chhunga kalpui atan pawmin hemi atan hian sum cheng vbc. 2873. 13 a ruahman a. A \an tirh a\anga tun thlenga Planning Commission a\anga sum hmuh chu cheng vbc. 1208.82 a ni. NLUP hnuaiah hian 1st Phase-ah beneficiaries 45,139; 2nd Phase-ah 45,000; 3rd Phase-ah 29,861 leh 4th Phase-ah 15,000, a zavaiin beneficiaries 1,35,000 an awm a ni.