NIOS-a zirlai ten harsatna an tawh \hin sutkian a nih theih nan MZP in hma an la.

Mizoram-a NIOS hnuaia zirlai ten harsatna an tawh \hin sutkian a nih theih nan MZP chuan hma lain zirlaite pawhin Scholarship Board a\anga Re-Imbursement an dawn chu an hmukim thei tawh dawn nia thudawn a ni. 
Inrinni kalta, June 21, 2014 khan Aizawl-a MZP Pisa pui-ah MZP hruaitute leh National Institute of Open Schooling (NIOS) hnuaia zirna In enkawltu ten Joint Meeting an nei a, he hunah hian Open School a zirlaite harsatna tawh \hin chungchang sawihoin “Mizoram chhunga NIOS hnuaia zirlai zawng zawng ten kumtin Scholarship Board a\anga Re-Inbursement Rs 2600/- an dawn \hin chu zirlaite hnenah kim taka pek ni tawh rawh se,” an ti a ni. Hei bakah hian Joint Meeting chuan kum 2013 - 2014 session chhunga Re-Imbursement dawng kim lo zirlaite hnenah July 21, 2014 ral hma in Open School tin ten pe kim leh vek se an ti a. NIOS hnuaia zirna In tin ten zirlaite hnen a\anga pawisa an dawnna leh pek chhuahna tichiang turin receipt emaw voucher emaw fel fai takin siam \hin nise an ti bawk.
    NIOS chungchangah hian thuchhuah siamin MZP chuan April 26, 2014 a School Education Directorate Conference Hall a Education Department hotute leh NIOS Co-ordinator te meeting in Private Coaching Centre te khuahkhirh an nih tur an lo rel tawh ah hmalakna mumal hmuh tur la awm lo nia sawiin, pawi an ti hle tih an sawi a. Open School a zirlaite ham\hatna tur ngaihtuah a, an harsatnate chingfel turin MZP chu a inhawng tih an thuchhuah ah chuan an tarlang bawk. National Institute of Open Schooling (NI-OS) hnuaiah hian Mizoram chhungah Accredited Institution 18 awmin, an hnuaiah hian Coaching Centre engemaw zat a awm bawk a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.