MZP in ‘MZP Signboard’ pawhthlak a nih chuan thlirliam mai mai an tumlo tih an sawi.

MZP Gen. Hqrs. chuan Borapansury II-a MZP signboard chu pawh thlak a nih chuan thlirliam mai an tumlo tih sawiin, dan lova Mi-zoram-a lut Chakma te chungah Dan anga hmalak an tum thu an sawi bawk.MZP hian nimin June 2, 2014 khan thuchhuah siamin hemi chungchang hi an tarlang a, he an thuchhuah siamah hian MZP chuan Mizoram-ah awihawm loh khawpa Chakma an pun chak thu leh Chakma Autonomous District Council huamchhungah Mizoten harsatna an tawk \hin chu pawi an ti tih an tarlang a, ‘Kan ramah heti taka Chakma foreigner an pung chak hi kan Hnam tan him lo kan ti hle a ni,’ tiin hetiang a nih avang hian MZP chuan Zofate ram ngei a ni tih tilang turin Borapansury-ah hian 'Zofate Chawlhbuk' sak an tum thu leh Chawlhbuk sakna tura MZP in signboard an tar chu Chakma NGO ten ngaimawha June 3, 2014 hmaa pawhthlak a nih loh chuan Borapansury II-a bye-election lo awm tur boycott an tum chu mak an tiin an ngaithiamlo hle tih an tarlang a, ‘MZP signboard hi pawh thlak a nih chuan MZP chuan thlir liam mai a tum lo a, signboard hi dahbo emaw lakthlak emaw a nih chuan signboard hi tar a nih ngei theih nan a\ul angin MZP chuan hma a la dawn a ni,’ an ti bawk.
    Hei bakah hian MZP chuan Zofate Chawlhbuk an sakna tur hmun chu Mizoram, pi leh pute hun a\ang tawha Mizote ta ngei a ni tih sawi nawn lehin, Mizoram chhungah mikhual an ni tih hi inhre turin Chakma-te hi an ngen thu leh, ram neitu Mizote chunga harsatna siam tawh lo turin an hriattir tih an tarlang a. Chakma te hi dan lovin Bangladesh a\angin an lo lut nasa hle nia sawiin, kum 1901 chhiarpui a mihring 198 chauh kha, tunah chuan nuai khat chuang an ni tawh tih tarlangin, Mizoram chhunga dan lova khawsa Chakma foreigner-te chu dan anga hnawhchhuah ngei an nih theih nan ke an pen dawn tih an tarlang a. India Lok Sabha inthlanpui neih dawn a India hmarchhak a Foreigners awmte hnawh-chhuah tiamtu India Prime Minister Narendra Modi Office thlengin an umzui dawn tih an tarlang bawk.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni