Mizoram-a Zu khuahkhirhna tur Dan thar Assembly Session neih turah putluh a ni dawn.

Mizoram-ah kum 17 zet Zu khap burna dan hman a nih tawh hnuah Zu khuahkhirhna dan thar, The Mizoram Liquor (Prohibition and Control) Bill 2014 chu July ni 8 a\anga \an tur Mizoram Legislative Assembly Session-ah putluh a ni dawn. Mizoram-a Zu khap burna dan hman lai, 'The Mizoram Liquor Total Probibition Act 1995’ thlakna tura Dan thar ruahman chungchangah hian Excise Minister, Pu R. Lalzirliana chuan he Dan ruahman hi Council of Ministers in a pawmpui tawh avangin thla thar July ni 8, ni 9 leh ni 10-a Assembly Session neih turah putluh hman a tum tih a sawi a. Zu Khap burna hlip-a a khuahkhirhna dan hman tur chungchangah hian dodalna awm mahse, Mizoram tana \ha ber tur nia an hriat avangin Sorkar chuan kaltlang a tum a ni, a ti bawk. 'The Mizoram Liquor (Prohibition and Control) Bill 2014' hi Assembly House-a putluh a nih hmain Minister zawng zawngte hnenah an lo zirchian tura thawnchhuah a ni tawh a, Minister zawng zawngte hian he dan hi \ha an tih thu an sawi vek a ni.
    Thudawn danin, Zu khuahkhirhna dan thar hman tur, The Mizoram Liquor (Prohibition and Control) Bill 2014 hnuaiah hian Sorkar chuan dan fel tak hnuaiah zu zawrh phalna a pechhuak ang a, zu zawrh phalna nei Vendour te pawh zu an hralhchhuah theih zat leh an hralhchhuah dan tur zawng zawngah dan hmanga khuahkhirh an ni anga. A huhova zu In na hmun ‘Bar’ ang chi te erawh he Dan hian hawn a phal dawnlo thung nia thudawn a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man