Mizoram-a Gas tihchingpen leh black-a hralh awm \hin khauh taka vil turin ruahmanna siam a ni.

Food, Civil Supplies & Consumer Affairs Department, Central YMA leh Consumer Union te chuan Gas tihchingpen awm \hin leh black-a hralh \hin te khauh taka vil nise an ti.
Mizoram-a LPG (eirawngbawlna Gas) harsatna chungchang leh a sutkian dan tur chungchang ngaihtuah hian FCS&CA Minister, Pu John Rotluangliana hovin nimin June 12, 2014 khan a Office Chamber-ah FCS&CA Department hotute, Central YMA leh Consumer Union hruaitute chu an \hukhawm a, he \hutkhawm a tel te hian Mizoram-a gas harsatna thlentu ber chu Gas tihchingpen leh black-a hralh ruk \hin hi a ni tih hriain, hemi ven nan hian sorkar department, Central YMA leh Consumer Union te \anghova, khauh taka vil ni se an ti a. Hetiang tih ching te pawh na taka hrem \hin zel nise tiin, Gas tihchingpen leh black-a hralh ruknaa inhnamhnawih motor te pawh man zel ni se, Taxi te pawh man an nih chuan an Taxi permit tihtawp sak thlengin hrem \hin nise an ti a, motor leh Gas Cylinder man te dahkhawmna tur te pawh hmun remchang ruahman ni se an ti bawk.
    Hei bakah hian Aizawl khawpui chhung hmun hrang hranga Gas cylinder check hna thawk tur hian Legal Metrology department thawktu leh Central YMA leh Consumer Union te Group hrang hrangah in\hena hmalak tum a ni a, kawngpui dung (Highway)-a gas tihchingpen leh hralhruk ven hna thawk turin Central YMA hmalaknain Branch hrang hrang YMA te a vil hna thawk tura ngen an ni dawn bawk a ni. Gas cylinder tihchingpen emaw, hralhruk vanga man reng reng te chu mipui vantlang hriatah Media hmanga chhuah \hin ni se tih te meeting ah hian rel niin Gas cylinder pawh a buk a dik leh dik loh chian nan a semna hmun ah buk chhunzawm zel ni se tih te an rel bawk.

Popular News