Mizoram CM in Union Home Minister-ah thlen

Chief Minister Pu Lal Thanhawla chuan Inrinni June 28, 2014 khan Union Home Minister, Rajnath Singh hmuin Mizoram mamawh hrang hrang a sawipui.
He an inkawmna ah hian Chief Minister chuan ram leh mipui ven-himna kaihhnawih lama sum hman theihna, Security Related Expenditure (SRE) chungchang sawiin, Mizoram awmna a pawimawh avang leh a Police ten \henawm state a\ang leh Bangladesh leh Myanmar a\angte a hel a beihletna ah sum tam tak hman \hin anih avang leh Police thuam \hatna atan SRE hnuaia sum hmang thei tura remchanna siam sak turin a ngen a ni. Hei bakah hian Chief Minister chuan Tripura-a Mizoram mi Bru laklet hna kalpui ah Mizo-ram Bru Displaced People Forum (MBDPF) ten dodalna an neih \hin avangin harsatna an tawk tih pawh sawiin, hetiang karah hian ni 23.6.2014 thlengin chhungkaw 1237, puitling 4665 leh naupang 1846 hruaikir an nih tawh thu a sawi bawk. Chief Minister chuan Mizoram leh Assam ramri chungchang pawh sawiin, Mizoram sorkar leh mipuiin Assam nena ramri a pawm chu Bengal Eastern Frontier Regulations, section 2 of 1873 anga Inner Line Notification No. 2299p of 20.8.1875 tihchhuah a ni tih sawiin, Buhchangphai bula Ramthar zau pawh Mizoram chhung ngei a mi anih thu sawiin, khualzin tam zawk a hip theihna tura Ministry of Tourism in ILP thlahdul tura rawtna a siam chu Mizo tribal te lakah nghawng \halo tak nei thei a nih thu a sawi bawk. Chief Minister thusawi te hi Home Minister chuan ngaithlain, amah \awiawmtu Officer te hnenah tih theih apiang chu tihsak nghal turin a hrilh a ni.

Popular News

Mizoram-ah Faina Hapta hman \an leh a ni

Retailer bukna diklo 3 man