MGNREGS kalphung thar sawihona nei

Tunlai hian Serchhip khawpui chhunga VC hrang hrangah MGNREGS hnathawh dan kalphung thar atana inrawnkhawmna Gram Sabha chu neih mek a ni.
MGNREGS kalphung thar atana inrawnkhawmna hi niminpiah khan Serchhip-I leh Serchhip-II VC-ah neiin nimin khan Serchhip-III leh Serchhip-IV ah neih leh a ni a. Nimin a Ser-chhip-III VC-a inrawnkhawmna neih hi VC Vice President, Pu C. Lalhminghlua chuan kaihruaiin MGNREGS Convergence Scheme hmangin Serchhip District-ah Sangha Dil laihsak leh thuamthar bakah Pangang khawi \anpuina ruahman a nih thu te, hei hi a enchhinna (Pilot Project) a nih avangin \ha tak leh dik taka kalpui a \ul thu te, he scheme hi chhungkaw harsa te eizawnna siamsak nan ni 100 inhlawhna hman \angkaina tur a nih thu te sawilan a ni. Ruahman ang chuan VC ten Sangha dil laihsak emaw siam\hatsak tur emaw a an thlan te chu MGNREGS inhlawhna sum hmangin an thawhsak \hin anga, Job Card neitu ten an nitin hlawh pangngai erawh an hlawh reng tho dawn a, ni khat hlawh pawh Rs. 148/- ni \hin chu Rs. 170/- a tihsan a ni tawh bawk a ni. Serchhip-III a hna thawhsak tur VC ten an lo thlan tawh Serchhip-III a chhungkaw 17 te chu Gram Sabha hian ban pharin an pawm a, an zinga 2 chu Pangang khawi tur niin, chhungkaw 6 chu Sangha Dil thar laihsak tur an ni a, a dang 9 chu Dil nei tawh sa thuam\hatsak tur te an ni. He hunah hian MGNREGS nena kalkawp tur Department ten mipui zirtirna an pe nghal bawk a ni.

Popular News