MDC bye-election a vote tla chhiar a ni

Mizoram Chhimlam District Council pathum (3) a MDC bye-election neih a vote tla te chu nimin June 6, 2014 khan chhiar a ni a, vote thlaktu awmlohna, Borapansury-II erawh State Election in a kalpui dan tur hriat ala nilo thung.
Heng MDC bial-ah te hian tun thla ni 4 khan mipui ten vote thlakin inthlanna hi neih a ni a, LADC hnuaia Lawngtlai Bazar bial-ah MNF candidate, Lalropuia Chin-zah chuan vote 515 hmuin thlantlin a ni a, INC Candidate, C. Sangchhunga chuan vote 495 hmuin Independent Candidate, C. Zobuanga chuan vote 142 a hmu a ni. Tuithumhnar bial-ah vote 1051 hmutu INC Candidate, Malsawmdawng-liana thlantlin niin a khingpui MNF candidate, H. Sangkunga chuan vote 736 a hmu thung a ni. MADC hnuaia Tuipang-II ah INC Candidate, K. Siakhai chuan vote 556 hmuin thlantlin a ni a, a khingpui Independent Candidate, C. Vahlo chuan vote 378 a hmu thung a ni. Hetihlai hian Chakma pawl hrang hrang ten inthlan an boycott-na hmun, Borapansury-II ah erawh chuan bye-election neih ah vote tla a awmloh avangin vote chhiar tur a awmlo a, he MDC bial chungchangah hian State Election Commission (SEC) chuan thutlukna engmah a siam hriat ala ni lova, dan ang chuan he biala Seat ruak hi July 8, 2014 hmain hnawhkhah a ngai a, hei vang hian he bial kalpui zel dan tur chu sorkar ah a innghat rih nia thudawn a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.