Khawvel hmundangte rualin Aizawl-ah World No Tobacco Day hman a ni.

Khawvel hmun dang rualin Inrinni kalta May 31, 2014 khan Mizoram-ah pawh World No Tobacco Day hman a ni a, Aizawl-a he Ni puala hun hman chu Health Minister, Pu Lal Thanzara’n a hmanpui a ni.
Aizawl-a World No Tobacco Day hmanna ah hian Mizoram State Tobacco Control Society leh Indian Society on Tobacco & Health (Mizoram Chapter) ten thupui tura an lo puan tawh, zuk leh hmuam a\anga chhiah lak tihpun ‘Raise taxes on Tobacco’ tih chu thupui atan hman niin he hun hmanpuitu Health Minister chuan India ram mai pawh nilo, khawvel huapa zuk leh hmuam hmang tamna ramah Mizoram a lang chu thil zahthlak tak anih thu a sawi a. Meizu \hin te hian an taksa ah natna leh harsatna hrang hrang an tawh \hin mai bakah, an chenpuite, engmah ti ve ngailo pawhin mei khu an lo hip ve \hin avanga natna tuar phah te pawh an awm \hin thu a sawi a. Vaihlo leh a kaihhnawihte do rem turin Sorkar hmalakna mai bakah Kohhran, tlawmngai pawlte leh mitinin mawhphurhna kan nei theuh a ni, tiin, kalkhawmte chu vaihlo do kawnga \an la turin he huna tel te chu a sawm bawk a ni.
    World No Tobacco Day puala inkhawm Millenium Centre kawt-a neih hi Dr. Lalbiak-kima, Director, Hospital & Medical Education chuan kaihruaiin he hun hmanpuitu dang, Pi Lal Riliani, President, IST&H (Mizoram Chapter) chuan vaihlo chu ‘tur nung’ a ni tiin, a ngawlvei lo tura inhrilhhriat thar leh a pawimawh thu a sawi a, Ram hmasawn tur chuan a cheng mihringte an hrisel a ngai a; hriselna kawng pakhat chu vaihlo leh a kaihhnawih laka fihlim hi a ni, a ti bawk. World No Tobacco Day puala inkhawm a tel te hian Dr. B. Thangdailova, Sr. Vice President, IST&H kaihhruaina in meizu lo turin leh a zu \hin te chuan sim tawh tura intiamna thu an sawiho bawk.

Popular News

Retailer bukna diklo 3 man

Hmeichhia te hmasawnna tura hmalakna chungchang thlirho.

Mizoram-ah Faina Hapta hman \an leh a ni