Latest News

Green Mizoram Day-ah thing\iak 26,69,187 phun a ni tawh.

Kum 1999 a\anga Mizoram-a Green Mizoram Day hman a nih a\angin nikum 2013 thleng khan thing \iak 26,69,187 he Ni puala phun tur hian Mizoram chhung hmun hrang hrangah sem darh a ni tawh.
He thu hi State Level Committee on Green Mizoram(SLCGM) \hutkhawm nimin a Co-Chairman Pu Lalrinmawia Ralte, Environment &Forest Minister hova neih ah tarlan a ni a, he huna tarlan a nih dan chuan Green Mizoram Day hman \hin hi hlawhtling thawkhat viau mahse chhan hrang hrang vanga thing\iak phun puitling zo ta lo a awm nual tih tarlan a ni a, hei vang hian a venhim lam leh a puitlin ngei theihna tura hma lak chu Committee hian \ha tiin kumin June ni 11-a Green Mizoram Day hman turah pawh thupui atan “Thing phun uar la, venghim rawh” tih an thlang nghal bawk a ni. Kumin a Green Mizoram Day puala Mizoram hmun hrang hranga phun tur thing \iak 9,37,115 zet chu Forests Department hian an dah hrang tawh a, Green Mizoram logo siam \ha an tih bakah he Ni puala kumtin thing \iak phun \hin hi a him leh himloh enfiahtu tur Green Mizoram Monitoring Team din an remti bawk a, Green Mizoram Monitoring Team hi Chief Conservator of Forests (CCF) (Adm) kaihruaina hnuaiah tlawmngaipawlte leh sorkar mi pawimawh dangte telin din a ni dawn a ni. SLCGM chuan ram kang venhimna kawnga titha khuate chu an District Headquarter theuhvah lawmman pek nise, District Level ti tha te chu State Level Green Mizoram Day hman na tur hmunah hlan an ni dawn a ni.

Comments

Popular News (Last 30 Days)