District Child Protection Committee thukhawm

Serchhip District Child Protection Committee chu nimin June 25, 2014 khan an Chairman, District Bawrhsap, Pi Juhi Mukherjee, IAS hovin an \hukhawm a, he hunah hian naupangte himna chungchanga hmalak dan tur leh Home hrang hranga naupang awmte tih hmasawn dan tur chungchang te sawiho a ni.
He \hutkhawm Serchhip DC Office Chamber-a neih ah hian Serchhip District chhung a Children’s Home pahnih – Zoar Urban Deprived Children’s Home leh Lalchhungkua Orphanage Home a naupang awm mek te tana Vocational Training an neih theih dan tur chungchang sawiho niin Serchhip-a Vocational Training Centre en-kawltute chuan heng Home-a awmte tan hian senso engmah awm lova an duh ang an zir theih thu sawiin, hemi ti hlawhtling tur hian hmalak zui tura ruahman a ni a. Heng Home-a naupang awmte  regular taka an hriselna dinhmun enfiah a nih theih dan tur leh Serchhip District chhunga Home sakna tur ram neih theih dan tur pawh sawiho a ni. Hei bakah hian Serchhip District chhung a school zawng zawng a Nodal Teacher for Protection of Child Rights ruat vek tawh siam\hat leh ngai te pawh ennawn niin heng zirtirtute tana training pek dan tur chungchang pawh he hunah hian sawiho a ni bawk. He \hutkhawm ah hian an Chairman, District Bawrhsap, Pi Juhi Mukherjee bakah Member Secretary, Pi Lalsiam-puii, District Child Protection Officer leh YMA, Health Department leh Education Department aiawhte an tel a ni.

Popular News