College Admission changlo awmlohna turin hma la mek zel.

Higher & Technical Education Minister, Pu R. Romawia chuan College-a Admission changlo zirlaite'n seat an chan theih nan sorkar-in theihtawp a chhuah niin a sawi.

Pu R. Romawia chuan, pawl 12 pass zirlaiten College an luh duhna-a seat an chang lo chu pawi a tih thu leh pawl 12 pass, state pawna lehkha zir pha lote'n Aizawl khawpuiah College kal ve hram an duh avangin Aizawla College-te'n an zo nia sawiin, heti chung hian zirna an chhunzawm theih loh chu sorkar-in \ha a tih loh thu leh seat an chan ve ngei theih nan sorkar in \an a la zel niin a sawi. Higher & Technical Education Minister chuan, sorkar enkawl College Principal te chu inpawtfan a, seat pe leh turin an ngen a, Principal te pawhin an inpawhfan theih thu an sawi niin a sawi a ni. Pu R. Romawia chuan, Aizawla College-te'n an admit theih tawk an admit hnuah seat chang lo an la awm chuan sorkar-in ngaihtuahna thar a seng dawn tih pawh sawiin, district danga College-ah chuan seat a la awm a, mahse, zirlaite'n Aizawla College kal an duh avangin an duhna te chu sorkar-in tih thlawn sak a tum lo niin a sawi bawk. Tarlan tawh angin, pawl 12 pass, Aizawla College seat chang lo hi MZP chuan in report tura tiin mi 500 chuang an in report a ni.