Class-XII pass Admission hmulo tam MZP in hriatthiam har ti.

Mizo Zirlai Pawl (MZP) Gen. Hqrs. chuan Class XII pass zirlai zanga (500) chuangin College Admission an hmu lo chu hriatthiam har an tih thu an sawi. MZP Gen. Hqrs. hian nimin June 10, 2014 khan Executive Meeting neiin hemi hnua thuchhuah an siamah College Admission tih chhoh laia Zirlai harsatna leh buaina tawk an awm \hin chu pawi an tih thu leh Zirlaite harsatna tawh \hin tih kian nan hian ruahmanna felfai tak siam tura Mizoram sorkar an ngen tawh hnuah pawh kumin ah zirlai 500 chuangin College Admission an hmulo chu hriatthiam har an tih thu an tarlang a, hemi chungchangah hian hma la mekin College hrang hrang thuneitute pawh zirlai ten admission an hmuh ngei theih nana lo in pawt fan turin an ngen tih an thuchhuah ah chuan an tarlang bawk.
    Hei bakah hian MZP chuan High School bikah zirlai te a har tawh avangin Graduate hrim hrim tan subject zawng zawng zirtir a harsat thu tarlangin, amaherawhchu High School zirtirtu tur lak an nih hian hna dil thei chin tehfung atan 'Recognised University a\anga graduate zawng zawng' tih anih \hin avangin  Recruitment Rules dinglai chu siam\hat an duh thu an sawi a, High School zirtirtu tur lak an nih reng reng chuan Subject hrang hrang heng-Mathematics, Science, Mizo, English leh Social Studies etc. zirtir tur bik lak an nih theih nana a rang thei ang ber a Recruitment Rules siam\ha turin thuneitute an ngen thu an tarlang bawk.

Popular News