Childline in kum 3 chhungin case 565 an dawng hman.

Naupang \anpui ngaite \anpui tura din Childline chuan an dintirh March 2011 a\anga kumin June thla laihawl thleng khan naupang \anpui ngaite \anpui tura ngenna case 565 an dawng tawh.
Hemi chungchanga Childline thawktute sawi danin naupang \anpui ngai tam ber hi nu leh pate kutthlak (physical abuse) an ni a, mipat hmeichhiatna case (sexual abuse) pawh engemaw zat a awm tih an sawi. Childline thawktute chuan an case dawn chu a thu a zirin Child Welfare Committee leh Juvenile Justice Board kutah an hlan \hin tih an sawi a. Mipui ah inhrilhhriatna (awareness) awm \hat tawkloh ngaihtuahin mipuiin an chhawr \angkai hle niin an sawi a. "Tlang titi a\anga kan hriat zawng zawng chu kan khawih seng lo a, complaint lut chauh kan khawih a ni," an ti a. Complaint an dawn tam ber chu Aizawl khaw chhung ami a ni tih sawiin, a bikin veng tlabirh lamah a tam zual tih an sawi bawk. Physical abuse ah vuak leh in a\anga hnawhchhuah a tlanglawn ber a ni tih sawiin, a bikin nuhrawn leh pahrawn ten an khawih/kutthlak chu a tam ber niin an sawi a, Sexual abuse ah hian a khawihtu chu chhungkhat hnai emaw naupang in a nel te an ni tlangpui tih pawh sawiin, hmelhriat ngailoh chu an tam lemlo niin an sawi bawk. Naupang harsatna tawk te tan hian Ph.No 1098 ah Landline leh Mobile (BSNL leh Aircel) hmangin darkar 24 chhung a thlawnin biak theih reng an ni.

Popular News