Chanchinthar thenkhat :

Kawngpui siam zo

@@ Serchhip leh Aizawl inkar, NH. 54 siam\hat hna, Ai-zawl leh Darlawng inkar te chu tunkar tir khan zawhfel a ni ta a. A hma lamin Darlawng leh Serchhip Sailiamkawn inkar te chu siam\hat a nih tawh avangin Aizawl leh Serchhip inkar kawngpui chu siam\hat hna zawhfel a ni ta a ni.


Football S/F khel zo
@@ SDFA buatsaih Under-14 Football Tournament Semi Final nimin a khelh ah Thenzawl in FC. S. Kawn-pui chu 4-1 a hnehin P&E FC in Dinthar FC chu 3-0 in an hneh a, Thenzawl lehP&E FC te hian Final an khel ang. Under-17 lamah Dinthar FC in FC S. Kawnpui chu 2-0 (ET) a hnehin Angels FC, Then-zawl in Ainawn FC chu 2-0 in an hneh a, Dinthar FC leh Angels FC Thenzawl te hian Final an khel ang. Final hi Vawiin chhun dar 12:30-ah khelh a ni ang.

Congress |halai inthlang
@@ Serchhip Block Youth Congress Committee chuan niminpiah June 11, 2014 khan an hruaitu tur thlanna neiin President dinglai Pu Lawmnasangzuala, Serchhip Bazar Veng chu thlantlin leh a ni.

CADC bye-election hun
@@ Chakma Autonomous District Council (CADC) a Dr BD. Chakma chhuahsan tak 2-Borapansury-II bialah ruahman lawk anga June ni 4, 2014 ah by-election neih theih a nih tak loh avangin Mizoram State Election Commission chuan by-election neih hun atan July 2, 2014 chu a ruat leh a. He inthlanna neih tur atan hian RO chuan Vawiin hian hriattirna a tichhuak anga, inthlanna chuh tumte tan tun thla ni 19 thlengin hming pekluh theih a ni anga, July 2, 2014 zing dar 7 a\anga tlai dar 5:00 thlengin mipui ten vote thlakin July 4, 2014-ah vote tla te hi chhiar a ni dawn a ni.

Kawlphetha hmangtu tam
@@ Mizoram-a Eng (kawlphetha) hmangtu chu kum 2013-2014 khan mi nuai 1.95 awmin kum 2014-2015 ah chuan mi nuai 2 an tlin rin a nih thu Mizoram sorkar-a Power & Electricity Department leh Joint Electricity Regulatory Commission (JERC) Mizoram & Manipur ten nimin a Mamit-a Workshop on Electricity Consumers Awarness neih ah tarlan a ni a. Mizoram chhunga lui tui te a\angin Electric power 4500MW siam chhuak thei tura ngaih a laiin tun dinhmun ah 29.35MW (0.6%) chauh siam chhuah ala nih thu tarlan a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai