UN Mizoram Mission Project siam turin UN Technical Mission Team ten hma an la \an.

Mizoram tana UN Mission Project buaipui turin UN Technical Mission Team te chuan niminpiah, May 5, 2014 tlai khan Mizoram rawn lutin naktuk a\angin District hrang hrang tlawhin an zinchhuak leh ang.

Mizoram tana UN Mission Project buaipui tura lo kal mi 7 telna, UN Technical Mission Team te hian niminpiah a Mizoram an rawn thlen hnuah hemi tlai vek hian Secretariat Conference Hall-ah Mizoram tana hmalak dan tur sawipuiin Chief Secretary, Pi L. Tochhawng leh Department hrang hrang hotute an kawm nghal a, he hunah hian NLUP Lines Department pakua te bakah Labour & Employment, Rural Development, Social Welfare, Trade & Commerce leh PWD te an tel a ni. UNO Team leh Mizoram sorkar hotute hian Mizoram sorkarin hma a lak tawh leh lak mekah harsatna enge a tawh, chu chu engtia chinfel chi nge, Supply Inputs leh Market lama harsatna sutkian dan turte bakah, Mizoram-a hmalakna \ha tur te an sawiho a ni.
    Hemi hnu nimin, May 6, 2014 khan UN Technical Mission Team hian NLUP Conference Hall, Central Agriculture University Selesih, Principal Secretary, Labour & Employment office leh Engineer-in-Chief, PWD Office te tlawhin heng Department hotute nen hian hmalakna tura an ngaih pawimawh bik area te an sawipui a, tlai lamah Chief Minister kawmin Vawiin hian kuthnathawktu pawl leh tlawm-ngai pawl te an kawm leh anga. Naktuk May 8, 2014 a\angin district hrang hrang tlawhin May 12 khian UN Mizoram Mission Project atana rawtna an siam dawn a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.