UDF hruaitu ten MP leh MLA bye-election result lungawithlak thawkhata an hriat thu an sawi.

Mizoram-a eptu pawl \angrual United Democratic Front (UDF) chuan nimin May 20, 2104 khan Aizawl-ah thuthar lakhawmtute kawmin inthlanpui zawhfel taka an result chu lungawithlak thawkhata an hriat thu an sawi.
He hunah hian United Democratic Front hruaitute chuan Mizoram MP atana thlan thar, Pu CL. Ruala leh Hrangturzo bial MLA atana thlanthar, Vanlalawmpuii Chawngthu te chu an lawmpui thu sawiin, heng inthlanpui neih zawh takah hian Candidate an siam har avangin duh angin campaign-na hun thawl an neilo niin an sawi a. An candidate Pu Robert Romawia Royte khan Assembly bial 40 zingah bial 13- Tuichawng (Chawngte), Palak, West Tuipui (Tlabung), Dampa, Lunglei West, Tuivawl, Chalfilh, Lengteng, East Tuipui, Champhai South leh Thorang bial te chu a tlawh hmanlo nia sawiin, hei vang hian bial \henkhat ah phei chuan nasa takin an hniam phah niin an sawi a. Heti chung hian an chaklohna chu Postal ballot te nen vote 6,154 chauh a ni tih sawiin, an dinhmun chu lungawithlak thawkhata an hriat thu an sawi bawk.
    Hei bakah hian UDF hruaitute chuan Chief Minister leh MP atana thlan thar ten UDF chu sum hmanga vote zawng anga an sawi chu hriatthiam harsa an tih thu leh hetianga dawta inbeihna chu an dem thu an sawi a. Congress chakna chhan ber chu thingtlang miharsa zawk te NLUP leh thuneihna hmanga an vaubeh vang nia an hriat thu leh sum chelek \hin chu Zoram mipui ten an hai lo niin an sawi a. Tripura Tuikuk Transit Camp-a UDF candidate in vote a hmuh \hat chhan chu, Pu Robert Romawia Royte chu khawthlang lam chhuak a nih avang leh, inthlan hma lawka Chief Minister, Pu Lal Thanhawla’n Tuikuk ho a vau avanga, Congress party an ngainat loh vang anih an rin thu te pawh an sawi bawk.

Popular News