Thlatin Mizoram in buhfai mamawh tam

Mizoram-a Public Distribution System (PDS) kalpui mek chu mipui zawng zawng huama kalpui mek niin hemi atan hian thlakhat ah buhfai quintal 1,33,000 zel mamawh a ni a, hemi leina atan hian thlatin cheng vbc. 18.19 vel sorkar in a hmang \hin a ni.
Kum 2013-2014 chhung khan Mizoram sorkar chuan APL te hnena sem turin Buhfai MT 2841, quintal khat Rs. 830/- zelin a lei a, BPL te hnena sem tur MT 1470 chu quintal khat Rs. 560/- a leiin, AAY te hnena sem tur MT 910 chu quintal khat Rs. 300/- zelin a lei a, heng baka mamawh belh chu open market sale scheme hnuaiah Mt 5000 lei belhin, hei hi quintal khat Rs. 1537.31 zela lei a ni a, MT 8000 dang chu Economic Cost hmangin quintal 1 Rs. 2200/- zelin a lei bawk. Kum 2012-2013 chhung khan Mizoram sorkar in mipuite ei tur buhfai lei nan Rs. 215,86,62,733/- a seng a. Hetah hian rate fixed anga hralhna hmuhlet tur zat chu Rs. 128,22,94,947/- a ni a. Hemi hun chhunga mipuiten man tlawm zawka buhfai ration an lak theih nana sorkar sen belh zat, a subsidized-na chu Rs. 87,63,67,786/- a ni. Main route buhfai phurhna senso zawng zawng Rs. 13,57,72,204/- nena subsidized na belhkhawm phei chuan hemi hun chhung hian sorkarin mipui tan Rs. 101,21,39,990/- zet subsidized nan a hmang ral a, hemi ang hian thla tina chhutin Rs. 8,43,44,999/- vel zel a sen sak tihna a ni.

Popular News