State Emergency Operation Centre tlawh

National Disaster Management Authority (NDMA) Member leh hmarchhak bial viltu, Pu KM. Singh chuan nimin May 6, 2014 khan Aizawl Chawnpui-a State Emergency Operation Centre tlawhin State Disaster Management Authority (SDMA) member te kawm in an hmalakna te a endik.
He hunah hian Pu KM. Singh chuan Chhiatrupna lo thleng thei hmachhawnna kawnga Mizoram hmalakna ah chuan tumruhna leh hmasawn tumna tam tak hmuh tur a awm tih sawiin, hmanrua leh chhanchhuahna hnathawktu te pawh a remchan dan anga pek pelh an mamawh thu a sawi a. Mizoram State Disaster Management Plan chu ruahmanna \ha tak a nih rualin mipui ten an la hrechiang lo hle tih sawiin, Aizawl chauh nilovin Mizoram hmun hrang hrangah tun aia nasa zawka mipui hrilhhriatna kawnga hmalak a \ul thu a sawi bawk. He hunah hian Mizoram District hrang hranga Emergency Operation Centre (EOC) te dinhmun leh tihchangtlun a \ul thu sawilan a ni a, State hmalakna te hi theihtawpin NDMA chuan a puih tur thu leh hmanrua an mamawhte pawh a \ul anga an pek tur thu NDMA aiawhte chuan sawiin, March 13-a Aizawl leh Serchhip khawpui a neih tak Mega Mock Excercise chu a hlawhtling hle ah NDMA chuan a ngaih thu tarlan a ni a. Department hrang hrang te nena thawhhona \ha a awm theih nan thla 3 chhunga vawikhat tal dawhkan kila ruahmanna leh sawihona neih \hin nise tiin Mega Mock Drill pawh state sorkarin a hun ruat tawh se a \ha an tih thu he hunah hain tarlan a ni bawk.

Popular News