Latest News

Serchhip District chhunga VC hrang hrang tan TFC sum hman dan tur zirhona neih a ni.

Serchhip District chhunga Village Council hrang hrangte tan nimin May 22, 2014 khan 13th Finance Commission sum hman dan leh Account vawn dan chungchang zirhona chu Serchhip-ah neih a ni.
Serchhip District chhunga Village Council 44-a President leh Treasurer te tana training Serchhip DLAO Office-a neih hi District Local Administration Officer, Pu ST. Lalhmingmawia chuan hmanpuiin Village Council (VC) te chu khawtlang roreltu tura khawtlang mipui ten an thlan an nih thu sawiin, khawtlang rorelna tlawmngai pawl leh midang kuta kan dah lek lek fo nia lang chu thil kalphung a nilo tih a sawi a, khawtlang mipui in roreltu tura an thlan VC te chuan rorelna chu midang kutah dah mai lovin khawtlang tana \ha tur ngaihtuahin theihtawp an chhuah tur a nih thu a sawi bawk. Hei bakah hian Pu ST. Lalhmingmawia chuan VC te chu khawtlang tana roreltu an nih avangin khawtlang hmasawnna tur chu khawi a\anga kal pawh nise an hriatpui tur a nih thu leh hnathawh te pawh a \hat leh \hatloh te, a nih dan tur ang a nih leh nihloh te pawh an hriatpui tur a nih thu a sawi bawk.
    Serchhip District chhunga Village Council hrang hrangte hi 13th Finance Commission (TFC) a\ang hian Performance grant pek an ni dawn a, sum pek tur zat hi an huamchhunga mipui tam dan a zira danglamin VC te hi Category 5-ah \hen an ni dawn a, tun \uma VC te sum dawn tur zawng zawng hi a vaiin Rs. 30,55,100/- niin he sum hmang hian an khawtlang tana \ul leh \ha nia an hriat hna hrang hrang an thawk dawn a ni. He training a tel hi K. Lalbiaknungi, Account Assistant leh Elbethel-a, Field Inspector ten zirtirna pein VC tin te hi VC Member zawng leh Secretary te daih tur Plastic Chair pek \heuh an nih bakah Cash Book pakhat \heuh leh Bound Register pali \heuh an dawng bawk. Tun \uma VC te hnena TFC sum pek tur hi tuna VC dinglai te hnena TFC sum pek hnuhnung ber tur nia ngaih a ni.

Comments

Popular News (Last 30 Days)