Latest News

Rualbanlote tana PWD Act Mizoram-a bawhzui dan enfiah.

Sorkar laipui in rualbanlote enkawl leh an ham\hatna tura dan siam Persons With Disability (PWD) Act, 1995 Mizoram-a kalpui a nih dan en turin Chief Commissioner for Persons With Disabilities (PWD), Pu Prasanna Kumar Pincha chuan Mizoram a rawn tlawh mek.
Pu Prasanna Kumar Pincha hian niminpiah khan Mizoram a rawn thlen hnuah nimin, May 20, 2014 khan Social Welfare Department leh Mizoram-a Persons with Disabilities Commissioner office-a mawhphurtute chu State Guest House Conference Hall-ah a kawm a. He hunah hian Pu Prasanna Kumar Pincha chuan Persons With Disability (PWD) Act, 1995 chu State hrang hrang ten a nihna tur takin an kalpui em tih leh he dan kengkawh turin harsatna an neih leh neihlohte enfiah tura zinkual a nih thu sawiin, PWD Act in a phut angin rualbanlote chu sorkar hna ruak awm zawng zawngah 3% hauhsak an nih ang ngei a dik taka kalpui \ul a tih thu te, a bikin hmeichhia rualbanlote tan ham\hatna scheme thar ngaituah \ul a tih thu te, rualbanlote pension lak zat tihsan leh midangte ang bawka zirna \ha an neih theihna tur ngaihtuahsak te a ngaihpawimawh thu a sawi a ni.

Comments

Popular News (Last 30 Days)