Rampumah BJP sang fal INC & AAP in beisei phaklo

Lok Sabha inthlanpui result chu hriat kim theih a ni ta a, rampumah BJP chuan seat 282 zet an la a, tunhnaia thawm nei lian tak AAP erawh in beisei an phak lo niin a lang thung.

Tun \uma Lok Sabha inthlanpui hi bial 543-ah neih niin hetah hian BJP chuan seat 282 zet lain party mal pawha sorkar siam thei tur khawpin hnehna an chang a, an khingpui lian ber Indian National Congress (INC) chuan seat 44 chauh lain AIADMK chuan seat 37 leh Trinamool Congress in seat 34 an la bawk a ni. Party dang zingah Shiv Sena chuan seat 18 lain Telegu Desam in seat 16 an la bawk a, Te-langana Rashtra Samithi in seat 11 lain YSR Congress leh CPI (M) in seat 9 ve ve an la a, Nationalist Congress Party (NCP) leh Lok Jan Shakti Party in seat 6 ve ve lain Samajwadi Party pawhin seat 5 an la a, Shriomani Akali Dal, Aam Aadmi Party leh Rashtriya Janata Dal ten seat 4 \heuh lain Seat 3 la party 3, Seat 2 la Party 7 leh Seat 1 la party 9 zet an awm bawk a, Independent Candidate tling mi 3 an awm bawk.