Latest News

Ram kang chungchang sawihona nei

Tunhnaia Serchhip khawpui chhimlam kawtchhuah nasa taka kang chungchang ngaihtuahin nimin May 7, 2014 khan Serchhip khawtlang mi pawimawh te an \hukhawm.
He \hutkhawm Serchhip DC’s Meeting Room-a neih hi Bawrhsap mawhphurhna la mektu Pu VL Remliana, Addl. DC chuan kaihruaiin kangmei tichhuaktu chu zawn chhuah ngei a pawimawh thu leh YMA in FIR an thehluh chu bawhzui ngei a \ul thu a sawi a, mahni ram \heuh venghim tur leh uluk taka enfiah \hin turin kalkhawmte a chah bawk. Ram chu a chhia emaw a \ha emaw kan zavaia venhim hi kan mawh-phurhna a nih thu uar taka sawiin, ram tikangtute lakah hremna lekkawh ngei anih tur thu a sawi bawk. He hunah hian YMA Sub-Hqrs. Serchhip President, Pu RL. Chhuanawma pawhin kar khat chuang tha thlah lova kang \helh tura Ser-chhip khaw chhunga YMA Branch hrang hrang a\angin YMA member \hahnem tak an chhuah \hin thu a sawi a. Mi tlawngngai tam tak an la awm chu thlamuan thlak a tih thu leh lawmawm a tih thu a sawi bawk. He \hutkhawm ah hian ram kang tuartu te bakah, Serchhip khawchhunga Village Council hrang hrang hruaitute leh Sub-Hqrs. YMA hruaitute bakah DM&R Department aiawh te an tel a, kangmei tuartu te pawhin an ram leh thlai kang zat leh harsatna an tawhte an sawi a, hemi hnu hian sorkar hotute leh YMA leh VC ten \anpuina pek kawnga hmalak dan tur an sawiho leh a ni.

Comments

Popular News (Last 30 Days)