Postal Ballot-a vote thi tam ngaimawh

Lok Sabha inthlanpui neih zawh taka Postal Bal-lot-a vote thi 1312 lai a awm chu UDF chuan tunhnuah awm tawhlo se an duh thu an sawi a, hetianga vote thi a tam chhan hi Joint CEO chuan a sawifiah bawk.
Mizoram a Lok Sabha inthlanpui neih zawh takah khan Service Voters ah vote thi 355 leh Tuikuk Camp 6-ah vote thu 957, a vaiin 1312 a awm a, hetianga vote thi a tam hi UDF chuan thuchhuah siamin a buaipuitute fimkhur loh vang nia sawiin, tun hnu ah hetiang hi a thlen tawh loh nan fimkhur taka tih ni tawh se an duh thu an tarlang bawk a ni. Hetihlai hian Joint CEO, Pu H. Lalengmawia chuan Tuikuk Camp-a vote thi a tam chhan chu a diklo a form fill-up vang a ni tih a sawi a. Vote thlakna tur Paper-ah Postal Ballot Serial No. ziah tur a nih laiin mi tam takin an Voters Serial No. an ziak tih sawiin, hemi chungchang hi Election Commission pawh hriattir a nih thu leh hnawl (reject) tura an tih avangin heng te hi hnawl an ni ta tih a sawi a. Tripura-a Bru Camp 6-a Tuikuk vote thlak hi Mizoram sorkar official ten an buaipui lo a, training pek \hat tawkloh vang nia a lan avangin Tripura official lam mawh niin a lang tih a sawi bawk. Tripura Camp pakhat Hazacherra a vote tla 697 phei chu a vaia hnawl a ni.

Popular News