PHE Department in tui an semna ah thil tisualte ngaihthiamna awm lovin an hna tihtawp sak dawn.

PHE Minister, Pu Zodintluanga chuan mi tlem te rinawmlohna avanga department pumpui hming a chhiat a remloh thu sawiin, ‘Thil tisual tute chu hriatchhuah an nih chuan an hna tih tawp sak a \ul dawn a ni,’ a ti.
Inrinni kalta May 3, 2014-a PHE Department in Aizawl khawpui chhunga an Department-a JE chin hnuailamte tana 'Tuisem chungchanga infuihtharna' hun, Aizawl Vanapa Hall-a an buatsaih a hmanpuina ah he thu hi sawiin PHE Minister chuan, he Department a thawk zaa 99 chu mahni hnaa inpe zo leh rinawm taka thawk \hin an nih a rin thu sawiin, hetihlai hian mi tlem te thamna la \hin, mi tui chan ai mi thil tithei deuh leh lo tham mai duhtute hnena pe mai \hin a awm tih report a awm thu a sawi a, mi tlem te rinawmlohna avanga department pumpui hming a chhiat erawh a remloh thu sawiin, thil tisual tute chu hriatchhuah an nih chuan ngaihthiamna awm lova an hna tihtawp sak a \ul dawn thu a sawi bawk. Hei bakah hian Pu Zodintluanga chuan sorkar hnathawk zawng zawngte chu mipui vanga hna nei leh thawh tur nei an ni tih inhre tura chahin, mipui vuivaina te leh harsatna siam zawnga hna thawk lo hram tur leh hawihhawm tak, dawr nuam leh rawn tlaka thawk turin a chah bawk.
    He hun hi PHE Chief Engineer Er.Lalmuanzova chuan kaihruaiin Parliamentary Secretary, Pu Hmingdai-lova Khiangte pawhin he hun hi a hmanpui a, he hunah hian Tuisemna kawnga thawktute pawhin harsatna an tawh te sawilangin, Pathianni a tui sem chu a dawngtu mipui ten inkhawm an duh avanga harsatna a awm theih avangin ennawn an duh thu te, Tuisemna ti khaihlak zawnga VIP an tam lutuk chu thuneitu ten enfiah se an duh thu bakah Officer ten tuisemchhuahna hmun pawimawh ah vil tam deuh se an duh thu an tarlang bawk.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.